استانادا كوپتەن كۇتكەن كۇمىسبەكوۆ كوشەسى اشىلدى
«كوشەنىڭ قۇرىلىسىنىڭ سوزىلىپ كەتۋى قۇرىلىسپەن شەكتەسىپ جاتقان جىلجىمايتىن نىسانداردىڭ سۇرىلۋىمەن بايلانىستى بولدى. ون جىل ىشىندە 70 شاقتى جىلجىمايتىن نىسان ءسۇرىلدى»، - دەپ مالىمدەيدى كوممۋنالدىق شارۋاشىلىق باسقارماسىنىڭ ينفراقۇرىلىم ءبولىمىنىڭ باسشىسى جاسۇلان بايجانوۆ.
قۇرىلىس- مونتاج جۇمىستارى استانا قالاسىنىڭ اكىمى اسەت يسەكەشەۆتىڭ تاپسىرماسى مەن تۇرعىنداردىڭ ءوتىنىشى بويىنشا ءبىر جىل ىشىندە بەلگىلەنگەن مەرزىمنەن بۇرىن اياقتالدى. بۇل سارىارقا مەن بوگەنباي داڭعىلى بويىنشا ترافيكتى جۇكتەۋ مەن اۆتوترانسپورت اعىمىن كوبەيتۋگە مۇمكىندىك بەرەدى. جوبانى تولىعىمەن اياقتاۋ 2018-جىلعا جوسپارلانىپ وتىر.
كۇمىسبەكوۆ كوشەسىنىڭ جالپى ۇزىندىعى 1600 مەتر، ونىڭ 1220 مەترى قايتا جوندەۋدەن ءوتتى. جوندەۋ كەزىندە ينجەنەرلىك جەلىلەر مەن كوشەنىڭ ءۇش جاعىنا دا اسفالت توسەلدى.
«بيىل وسى جوندەۋ ءجۇرىپ جاتقان جەردەگى ۇيلەردى ءسۇرىپ تاستاۋ ماسەلەسى شەشىلىپ، قۇرىلىس-مونتاجداۋ جۇمىستارى مامىردا باستالدى»، - دەيدى جاسۇلان بايجانوۆ.
قۇرىلىس- مونتاج جۇمىستارى كەزىندە كوشەلەر كەڭەيتىلدى. پايدالانۋعا بەرىلگەننەن كەيىن التى جولاقتى بولادى.
