ايدىن ايىمبەتوۆ «الماتى وبلىسىنىڭ قۇرمەتتى ازاماتى» اتاندى

ايدىن ايىمبەتوۆ «الماتى وبلىسىنىڭ قۇرمەتتى ازاماتى» اتاندى تاۋەلسىزدىك كۇنىنە ارنالعان سالتاناتتى جيىن بارىسىندا وڭىردەگى ونەركاسىپ، اگرارلىق سالا، دەنساۋلىق ساقتاۋ، ءبىلىم بەرۋ، كاسىپكەرلىك، سپورت جانە الەۋمەتتىك قىزمەت كورسەتۋ سالالارىنىڭ ۇزدىك ماماندارىنا ۇزاق جىلعى ەڭبەگى مەن جەمىستى قىزمەتى ءۇشىن «پاراسات»، «قۇرمەت»، III دارەجەلى «ەڭبەك داڭقى» وردەندەرى، «ەرەن ەڭبەگى ءۇشىن»، «شاپاعات» مەدالدارى، قازاقستان رەسپۋبليكاسىنىڭ قۇرمەت گراموتاسى، «الماتى وبلىسىنىڭ قۇرمەتتى ازاماتى» اتاعى بەرىلدى.

ولاردىڭ قاتارىندا بەلگىلى مەتسەنات باۋىرجان وسپانوۆ «پاراسات» وردەنىمەن، الماتى وبلىسى اكىمىنىڭ ورىنباسارى جاقسىلىق ومار جانە وبلىستىق دەنە شىنىقتىرۋ جانە سپورت باسقارماسىنىڭ باسشىسى تۇراتبەك چاراپيەۆ «قۇرمەت» وردەنىمەن ماراپاتتالسا، «قازاقستاننىڭ 100 جاڭا ەسىمىنە» ەنگەن ەلدوس بايالىشبايەۆ «شاپاعات» مەدالىن يەلەندى. ال جەتىسۋ جەرىنىڭ تۋماسى، ءۇشىنشى قازاق عارىشكەرى ايدىن ايىمبەتوۆ «الماتى وبلىسىنىڭ قۇرمەتتى ازاماتى» اتاندى.

ناگرادا العاندار اتىنان «ءنۇسىپوۆ جانە ك» ج ش س ديرەكتورى قاناتحان ءنۇسىپوۆ پەن «سۇڭقار الماتى» قۇس فابريكاسىنىڭ باس ديرەكتورى دميتري چالىح ءسوز سويلەپ، ءوز قۇتتىقتاۋلارىن جەتكىزدى. سالتاناتتى جيىن سوڭى كونسەرتتىك باعدارلاماعا ۇلاستى.

اۆتور: سامال قابىشەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى