اسەت يسەكەشەۆ: تاۋەلسىزدىك كۇنى - جالپى حالىقتىق مەرەكە
قالا اكىمىنىڭ قۇتتىقتاۋى astana.gov.kz سايتىندا جاريالاندى.
«تاۋەلسىزدىك - بارشا قازاقستان حالقى ەرەكشە قادىرلەيتىن، وتكەننەن تاعىلىم الىپ، كەلەشەككە بايىپتى قادام جاسايتىن ماڭىزدى كۇن. بۇل مەرەكە حالقىمىزدىڭ سان عاسىرلىق ارمان-مۇراتتارىمەن ساباقتاسىپ جاتقانىمەن دە قۇندى.
اتا-بابالارىمىز اڭساعان ازاتتىق تاڭىنىڭ اتقانىنا بيىل جيىرما التى جىل تولىپ وتىر. شيرەك عاسىردان استام ۋاقىتتا ەلىمىز ەلباسىمىزدىڭ كورەگەن ساياساتىنىڭ ارقاسىندا بيىك بەلەستەردى باعىندىرىپ، تولايىم تابىستارعا قول جەتكىزدى. تاۋەلسىز ەلىمىز بەن ەلوردامىزدىڭ ءوسىپ-وركەندەۋى، اتقارىلعان ىرگەلى ىستەر - جەتىستىكتەرىمىزدىڭ ايقىن ايعاعى.
ەل مەرەيىن اسقاقتاتقان ىلكىمدى دە يگى جۇمىستارعا قاراپايىم ازاماتتاردىڭ دا قوسقان ۇلەسى زور. سوندىقتان، تاۋەلسىزدىك كۇنى شىن مانىسىندەگى جالپى حالىقتىق مەرەكە. تاۋەلسىزدىگىمىز تۇعىرلى، بەرەكەمىز باياندى بولعاي»، - دەلىنگەن اكىمنىڭ قۇتتىقتاۋىندا.
