ماسكەۋدە تاۋەلسىزدىك كۇنىنە وراي سالتاناتتى شارا ءوتتى
جيىنعا ر ف پرەزيدەنت اكىمشىلىگىنىڭ، ۇكىمەت جانە سىرتقى ىستەر مينيسترلىگىنىڭ وكىلدەرى، ماسكەۋدە اككرەديتتەلگەن شەتەلدىك ديپلوماتيالىق كورپۋستىڭ جەتەكشى قۇرامى جانە ماسكەۋدەگى قازاق دياسپوراسىنىڭ وكىلدەرى قاتىستى.
ءوز سوزىندە ر ف- داعى قازاقستاننىڭ توتەنشە جانە وكىلەتتى ەلشىسى يمانعالي تاسماعامبەتوۆ تۇراقتى دامۋدىڭ 26 جىلىندا قازاقستاننىڭ تۇڭعىش پرەزيدەنت - نۇرسۇلتان نازاربايەۆتىڭ جەتەكشىلىگىمەن 90-جىلدارى تاپ كەلگەن سىندارلى جىلدارعا توتەپ بەرۋدە عانا ەمەس، اۋقىمدى رەفورمالار جۇرگىزۋدە دە مول تاجىريبە جيناقتاعانىن اتاپ ءوتتى.
ماسكەۋدە تاۋەلسىزدىك كۇنىنە وراي سالتاناتتى شارا وتتى«تاۋەلسىزدىك جىلدارى جالپى ءونىم كولەمى 20 ەسەگە ۇلعايدى. ەل ەكونوميكاسىنا 265 ميلليارد دوللار كولەمىندە تىكەلەي شەتەلدىك ينۆەستيتسيا تارتىلدى. جاڭا ەلوردامىز - استانا زاماناۋي قازاقستاننىڭ سيمۆولىنا اينالدى جانە ەكونوميكالىق ءوسىمنىڭ نەگىزگى درايۆەر اتاندى.
قازاقستان حالىقارالىق قاۋىمداستىق پەن الەمدىك ەكونوميكادا سەنىمدى سەرىكتەسكە اينالدى. الەمنىڭ 182 ەلىمەن ديپلوماتيالىق قارىم- قاتىناس ورناتتى. قازاقستان ەۋرازيا كەڭىستىگىندەگى تمد، ۇقشۇ، شىۇ وڭىرلىك بىرلەستىكتەرىن قۇرۋعا اتسالىستى. بىرلەسىپ كۇش سالۋ ارقىلى مەملەكەت باسشىسىنىڭ ەۋرازيالىق ەكونوميكالىق وداق قۇرۋ تۋرالى باستاماسى جۇزەگە اسىرىلدى»، - دەپ اتاپ ءوتتى ي. تاسماعامبەتوۆ.
ءوز كەزەگىندە رف سىرتقى ىستەر ءمينيسترىنىڭ ورىنباسارى الەكساندر پانكين ەكى ەل اراسىندا ديپلوماتيالىق قارىم- قاتىناس ورناعان 25 جىل ىشىندە قازاقستان- رەسەي قارىم-قاتىناستاردىڭ جاڭا ساپالى ۇلگىسىن قۇرۋ بويىنشا اۋقىمدى جۇمىستار اتقارىلعانىن باسا ايتتى جانە رەسەيدە قازاقستانمەن ستراتەگيالىق سەرىكتەستىك پەن وداقتاستىقتىڭ جوعارى باعالاناتىنىن، 25 جىلدا كورەگەن مەملەكەتتىك كوشباسشى نۇرسۇلتان نازاربايەۆتىڭ ارقاسىندا ەكى ەل سەرىكتەستىگىنىڭ نىعايا تۇسكەنىن جەتكىزدى.
