بريتانيالىق حيرۋرگ ناۋقاستاردىڭ باۋىرىنا قولتاڭباسىن قالدىرعان
بيرمينگەمدەگى سوت وتىرىسى كەزىندە 53 جاستاعى سايمون برەمحولل قوس جاعدايعا قاتىستى ءوزىن كىنالى دەپ تاپتى، الايدا جاپا شەگۋشىنىڭ دەنەسىنە زاقىم كەلتىرىپ، ءجابىر كورسەتتى دەگەن ايىپتى مويىنداۋدان باس تارتتى. سوتقا دەيىنگى ءىستى قاراۋعا سەبەپ بولعان ارەكەتتى برەمحولل 12 جىل بويى جۇمىس ىستەگەن بيرمينگەمدەگى ەليزاۆەتا حانشايىمنىڭ اتىنداعى اۋرۋحانادا 2013 -جىلى جاساعان. باۋىر الماستىرۋ وپەراتسياسى كەزىندە مەديتسينالىق قىزمەتكەر قان توقتاتاتىن ارنايى لازەر ارقىلى قوس ناۋقاستىڭ الماسقان اعزاسىنا ءوزىنىڭ اتى- ءجونىنىڭ باس ارىپتەرىن قالدىرعان. ناۋقاستاردىڭ ەكەۋى دە ول كەزدە انەستەزيا اسەرىندە بولعان. قالدىرىلعان قولتاڭبالار ادام ءۇشىن زيانسىز ءارى ۋاقىت كەلە جوعالىپ كەتۋى ءتيىس ەدى. الايدا بۇلاي بولماعان، ناۋقاستار ەكىنشى رەت تەكسەرۋگە كەلگەندە شىندىقتىڭ بەتى اشىلىپتى.
«برەمحولل انەستەزياداعى ناۋقاسقا بىلە تۇرا جول بەرىلمەيتىن ءجابىر كورسەتكەن، بۇل ءوز كەزەگىندە ناۋقاستارعا دەگەن سىي- قۇرمەتتىڭ جوق ەكەندىگىن كورسەتىپ وتىر. بۇنداي جاعدايلار بۇرىن- سوڭدى بريتاندىق قۇقىق قورعاۋ ورگاندارىنىڭ تاريحىندا بولماعان»، - دەيدى پروكۋرور.
مەديتسينالىق قىزمەتكەركە قاتىستى سوت ۇكىمى 12 - قاڭتاردا شىعادى. تەرگەۋ جانە سوت ءىسى اياقتالعانعا دەيىن برەمحولل كەپىلمەن ەركىندىكتە قالادى. ال اۋرۋحانادان ول بۇل جايتتىڭ بەتى اشىلعاننان كەيىن دەرەۋ قۋىلدى.
www.24.kz
