تۇماۋدان ەمدەيتىن قوسپا

 بۇل ينگرەديەنتتەردىڭ ءارقايسىسىنىڭ قۇرامىنا باعالى ميكروەلەمەنتتەر، مينەرالدار جانە دارۋمەندەر كىرەدى. ولاردىڭ قوسپاسى اعزاعا ەمدەلۋگە جانە قالپىنا كەلۋگە كومەكتەسەدى. مۇنداي قوسپا يممۋندى جۇيەنى قورعايتىن كۇشتەردى ىسكە قوسىپ، ۆيرۋسپەن كۇرەسەدى. ول تۇماۋ بولۋدان ساقتايدى جانە اعزانى قاجەت دارۋمەندەرمەن قامتاماسىز ەتىپ، سەرگىتەدى. يممۋندى جۇيەنى جاقسارتۋعا ارنالعان قوسپا 3-4 ورتاشا ليمون، 200 گىرام تازارتىلعان ءزانزابىل تامىرى جانە 200 گر سۇيىق بال الىڭىز. ليموندى قابىعىمەن بىرگە جانە ءزانزابىلدى بىردەي ولشەمدە ۇساقتاپ تۋراڭىز. ولاردى بلەندەرمەن بوتقا سەكىلدى ەزۋ كەرەك. سودان سوڭ بال قۇيىپ، بارلىعىن جاقسىلاپ ارالاستىرىڭىز. بۇل قوسپا توڭازىتقىشتا 1 اپتا تۇرۋ كەرەك. ونى يممۋنيتەت كوتەرۋ ءۇشىن كۇز- قىس مەزگىلىندە كۇنىنە 3 رەت جەۋ كەرەك. تۇماۋدى كەتىرۋگە ارنالعان قوسپا بۇل قوسپانى تۇماۋمەن اۋىرىپ قالعان كەزدە ءىشۋ كەرەك. قوسپانى دايىنداۋ ءۇشىن ءزانزابىل تامىرىنىڭ قابىعىن تازالاپ، ۇساقتاپ تۋراڭىز. وعان ليمون سۋسىنىن قۇيىڭىز. پايدا بولعان قوسپانى 1 ساعاتتاي قايناتىڭىز. سودان سوڭ، سۋسىن جارتى ساعات شاماسىندا تۇرۋ كەرەك. سوڭىنان دامىنە قاراي قانت پەن بال سالىڭىز. ەگەر اللەرگياڭىز بولسا نەمەسە جۇكتى بولساڭىز، مۇنداي سۋسىندى قانشا مولشەردە ءىشۋ كەرەكتىگىن دارىگەرمەن كەڭەسۋ قاجەت ەكەنىن ۇمىتپاڭىز.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى