قازاقستاندىق تەلەسەريالدار وڭتۇستىك- شىعىس ازيادا تانىمال
دەپ حابارلايدى قازاقپارات.
«شىن مانىندە، مەملەكەتتىك جانە جەكە تەلەارنالارداعى باعدارلامالار مەن سەريالداردىڭ ساپاسى ەداۋىر جاقسارىپ كەلەدى. مۇنداعى ماڭىزدى كورسەتكىشتەردىڭ ءبىرى - قازاقستاندىق كونتەنتتى شەتەلدىك تەلەراديوكومپانيالار ساتىپ الا باستادى. اتاپ ايتقاندا، وڭتۇستىك- شىعىس ازيادا پرايم- تايم ۋاقىتىنا «قازاقستان» ۇلتتىق ارناسى تۇسىرگەن «اكە» سەريالى قويىلعان، قىتاي حالىقتىق تەلەۆيدەنيەسىندە، مالايزيادا، سينگاپۋردە جانە يندونەزيادا قازاقستاندىق سەريالدار كورسەتىلەدى. بۇل وتاندىق تەليەۆيزيالىق ءونىمدى قازاقستاندىق كورەرمەندەر عانا ەمەس، شەتەلدىكتەردىڭ دە باعالاي باستادى دەگەن ءسوز. بۇل ۇلكەن اۋديتوريا جانە شەتەلدە كورسەتۋ قۇقىعىن ساتۋ ارقىلى ەل بيۋدجەتىنە قوسىمشا تابىس تۇسەدى»، - دەدى ق ر اقپارات جانە كوممۋنيكاتسيالار ۆيتسە- ءمينيسترى الان اجىبايەۆ ق ر پارلامەنتى سەناتىنىڭ الەۋمەتتىك مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا.
اۆتور: ايجان سەرىكجان قىزى
