باستاپقى جارناسىز دا باسپانا الۋعا بولادى
ول ءۇشىن باستاپقى جارنانىڭ ورنىنا وزىنە نەمەسە ءۇشىنشى تۇلعاعا تيەسىلى جىلجىمايتىن مۇلىكتى كەپىلگە قويۋ جەتكىلىكتى.
بۇل تۋرالى «قازاقستان يپوتەكالىق كومپانياسى» ي ۇ» اق باسقارما ءتوراعاسى ءادىل مۇحامەدجانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ءمالىم ەتتى.
«يپوتەكالىق نەسيەلەۋدى ىنتالاندىرۋ ماقساتىندا ق ر ۇكىمەتى قازان ايىندا «نۇرلى جەر» باعدارلاماسىنا تۇزەتۋلەر ەنگىزدى. وزگەرىستەرگە سايكەس، باسپانا قۇنىنىڭ 30 پايىزىن قۇرايتىن باستاپقى جارناعا بالاما پايدا بولدى. ياعني، 30 پايىز جارنانى تولەي المايتىن ازاماتتار وزىنە نەمەسە ءۇشىنشى تۇلعاعا تيەسىلى جىلجىمايتىن مۇلىكتى كەپىل رەتىندە ۇسىنا الادى. سونداي- اق، قۇرىلىس كومپانيالارىنا الدىن الا تولەگەن تولەمى دە ەسەپكە الىنادى. ول دا باستاپقى جارنا رەتىندە ەسكەرىلەدى»، - دەدى مۇحامەدجانوۆ.
باسقارما ءتوراعاسىنىڭ مالىمدەۋىنشە، ەنگىزىلگەن وزگەرىستەر ارقىلى باستاپقى تۇرعىن ءۇي ۇعىمى كەڭەيتىلگەن. ەندى پاتەرلەردى تەك قۇرىلىس كومپانيالارىنان عانا ەمەس، باسقا دا زاڭدى تۇلعالاردان (ساۋدا كومپانيالارى) ساتىپ الۋعا بولادى.
سونىمەن بىرگە، بانكتەردىڭ قارىزدى سۋبسيديالاۋ تۋرالى ءوتىنىشتى قاراستىرۋ مەرزىمى بۇرىنعى التى كۇننەن ءۇش كۇنگە دەيىن قىسقارتىلعان.
ايتا كەتەيىك، جىل باسىنان بەرى «نۇرلى جەر» باعدارلاماسى بويىنشا يپوتەكالىق قارىزداردى سۋبسيديالاۋعا 12,3 ميلليارد تەڭگە بولاتىن 1209 ءوتىنىم كەلىپ تۇسكەن جانە ونىڭ بارلىعى دەرلىك (1180 ءوتىنىم) ماقۇلدانعان. كەلەسى جىلى باعدارلاما ارقىلى 105 ميلليارد تەڭگە سوماسىنا 7 مىڭ ادام يپوتەكالىق قارىز الۋعا ءوتىنىم بەرە الادى.
ەكىنشى دەڭگەيلى بانكتەر دە باعدارلاماعا قاتىسۋعا قىزىعۋشىلىق تانىتا باستادى. بۇگىندە «بانك سەنتركرەديت» ا ق، «سبەربانك» ا ق ە ب، «بانك ۆ ت ب» اق، «ا ت ف بانك» ا ق، «نۇربانك» ا ق جانە «تۇرعىن ءۇي قۇرىلىس جيناق بانكى» ا ق (جەكە تۇرعىن ءۇي قۇرىلىسىن دامىتۋ) قارىز بەرىپ جاتىر. جىل سوڭىنا دەيىن بۇل قاتارعا «سەسنا بانك» ا ق قوسىلۋى مۇمكىن. ال كەلەسى جىلى «قازاقستان حالىق بانكى» ا ق،
«Forte Bank», «Банк Kassa Nova», «Tengri Bank», «AsiaCredit Bank, «Qazaq Banki»
باعدارلاماعا قاتىسۋدى جوسپارلاپ وتىر.
اۆتور: ايجان سەرىكجان قىزى
