مىڭنان استام وتباسى «نۇرلى جەر» اياسىندا ارزان يپوتەكا الدى

كەلەسى جىلى باعدارلاما ارقىلى 105 ميلليارد تەڭگەگە 7 مىڭ ادام يپوتەكالىق قارىز الۋعا ءوتىنىم بەرە الادى.

«نۇرلى جەر» باعدارلاماسى بويىنشا يپوتەكالىق قارىزداردى سۋبسيديالاۋدا قارىز الۋشىعا، باستاپقى تۇرعىن ءۇيدى ساتىپ الۋ بارىسىندا سوڭعى مولشەرلەمەسىن جىلدىق 10 پايىزبەن بەرۋدى قاراستىرادى. ونداعى ايىرماشىلىق باعدارلاما تالاپتارىنا سايكەس، قازاقستان يپوتەكالىق كومپانياسى ارقىلى مەملەكەت قاراجاتىمەن وتەلەدى»، - دەدى «قازاقستان يپوتەكالىق كومپانياسى» ي ۇ» ا ق باسقارما ءتوراعاسى ءادىل مۇحامەدجانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

يپوتەكالىق كومپانيا وكىلىنىڭ ايتۋىنشا، بيىلعى جىلدىڭ 15 - جەلتوقسانىنا دەيىن 12,3 ميلليارد تەڭگە سوماسىنا 1209 ءوتىنىم كەلىپ تۇسكەن جانە ونىڭ 12 ميلليارد تەڭگەسى (98 پايىز) ، ياعني 1180 ءوتىنىم ماقۇلدانعان. باعدارلاما قازاقستاننىڭ بارلىق وڭىرلەرىن قامتىعان.

سونداي- اق، باعدارلاما شەڭبەرىندە بارلىعى 120 ميلليارد تەڭگە سوماسىنا  8000 قارىز، ونىڭ ىشىندە 2017 -جىلى - 15 ميلليارد تەڭگەگە  1000 قارىز جانە 2018 -جىلى - 105 ميلليارد تەڭگەگە 7 مىڭ قارىز بەرۋ جوسپارلانىپ وتىر.

تاعى ءبىر ايتا كەتەرلىگى، يپوتەكالىق تۇرعىن ءۇي قارىزدارى سىياقىسىنىڭ بولىگىن سۋبسيديالاۋ باعدارلاماسى ىسكە اسىرىلعالى بەرى ماۋسىم ايىنان باستاپ يپوتەكالىق نارىقتىڭ جاندانعانى بايقالادى - كوممەرتسيالىق بانكتەر (قازاقستاننىڭ تۇرعىن- ءۇي قۇرىلىس جيناق بانكىن ەسەپكە الماعاندا) 2016 -جىلمەن سالىستىرعاندا يپوتەكالىق نەسيەلەردى بەرۋ كولەمىن 51 پايىزعا ارتتىرعان.

«حالىق تاراپىنان سۋبسيدياعا دەگەن سۇرانىس ارتىپ وتىر، ەكىنشى دەڭگەيلى بانكتەر دە باعدارلاماعا قاتىسۋعا قىزىعۋشىلىعىق تانىتا باستادى. بۇگىندە «بانك سەنتركرەديت» ا ق، «سبەر بانك» ا ق ە ب، «بانك ۆ ت ب» ا ق، «ا ت ف بانك» ا ق، «نۇربانك» ا ق جانە «تۇرعىن ءۇي قۇرىلىس جيناق بانكى» ا ق (جەكە تۇرعىن ءۇي قۇرىلىسىن دامىتۋ) قارىز بەرىپ جاتىر. جىل سوڭىنا دەيىن بۇل قاتارعا «سەسنا بانك» ا ق قوسىلۋى مۇمكىن. ال كەلەسى جىلى «قازاقستان حالىق بانكى» ا ق،

Банк Kassa Nova, «Tengri Bank» АҚ, «AsiaCredit Bank (АзияКредит Банк)» АҚ, «Qazaq Banki» АҚ 

باعدارلاماعا قاتىسۋدى جوسپارلاپ وتىر»، - دەپ ءوز ءسوزىن تۇيىندەدى ءا. مۇحامەدجانوۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى