جاقسىلىق ۇشكەمپىروۆ نۇرسۇلتان نازاربايەۆقا ارمانىن جەتكىزدى

ماراپاتتاۋ راسىمىنەن كەيىن ءسوز العان وليمپيادا چەمپيونى جامبىل اۋدانىنا قاراستى ءبىر اۋىلعا گاز تارتقىزىپ، سپورت كەشەنىن، بالاقشا، قولجەتىمدى پاتەرلەر سالدىرىپ بەرگەنىن ايتتى.

«مەنىڭ ءبىر ارمانىم بار. وسى كوپ بولسا 5 مىڭنان اسا اۋىل بار شىعار. سونى قازاقتىڭ 5 مىڭ جىگىتى كوتەرىپ جىبەرسە، ودان ارتىق قانداي باقىت كەرەك. مەن سونى ويلايمىن»، - دەدى جاقسىلىق ۇشكەمپىروۆ ەلباسىنا قاراتا.

ءوز كەزەگىندە مەملەكەت باسشىسى تاۋەلسىزدىك جىلدارىندا ءبىراز ازاماتتىڭ قالتالى بولعانىن ايتا كەلە: «ەندى تاپقانىنىڭ ءبىرازىن ەلگە بەرسە... جاس وتباسىلارعا پاتەر سالىپ بەرۋى كەرەك قوي»، - دەدى.

ايتا كەتەيىك، جاقسىلىق ۇشكەمپىروۆ - ك س ر و- نىڭ ەڭبەك سىڭىرگەن سپورت شەبەرى، قازاق ك س ر ەڭبەك سىڭىرگەن جاتتىقتىرۋشىسى، قازاق ك س ر ەركىن كۇرەس بويىنشا چەمپيونى، الەم چەمپيونى (1981)، الەم كۋبوگىنىڭ كۇمىس جۇلدەگەرى (1980)، كەڭەس وداعى بىرىنشىلىگىنىڭ ەكى دۇركىن جەڭىمپازى (1975, 1980)، وليمپيادا چەمپيونى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى