كاسىپقوي بوكس: قازاقستاندىق قوس ساڭلاق كەزەكتى رەت جەڭىسكە جەتتى

ابىلايحان قۇسايىنوۆ وسىمەن جەتىنشى رەت جەڭىسكە جەتىپ وتىر. ابىلايحاننىڭ ەنشىسىندە 5 نوكاۋت بار. ونىڭ قارسىلاسى دا وسال بولمادى. وسى ۋاقىتقا دەيىن كريستيان اررازول 16 نوكاۋت جيناپ ۇلگەردى. ەكى بوكسشىنىڭ جەكپە-جەگى جەڭىل سالماق (61,3 كەلى) دارەجەسىندە ءوتتى.

ال نۇرزات سابيروۆ ءوز قارسىلاسىن تەحنيكالىق نوكاۋتپەن جەڭدى. وسىلايشا، قازاقستاندىق بوكسشى كاسىپقوي بوكستاعى ءتورت جەكپە-جەكتىڭ ءبارىن نوكاۋتپەن اياقتاپ وتىر. ونىڭ قارسىلاسى فرانسيسكو گارسيا وسى ۋاقىتقا توعىز جەكپە-جەك وتكىزىپ، بەسەۋىندە نوكاۋتپەن جەڭگەن. ەكى بوكسشى ەكىنشى ورتا سالماق دارەجەسىندە (76,2 كەلىگە دەيىن) ايقاستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى