قازاقستاندا ۇشاق بيلەتتەرى قىمباتتاۋى مۇمكىن

بۇل تۋرالى «ك ت ك» ارناسى حابارلادى.

سەبەبى، اۋە كومپانياسى جەلتوقساندا الۋى ءتيىس سۇيىق وتىننىڭ 20 پايىزعا جەتپەيتىن مولشەرىن عانا الىپتى. جەتىسپەگەن جانارمايدى شەتەلدەن العىزاتىن بولسا بيلەت باعاسى دا قىمباتتايدى.

جەلتوقساندا جەتكىزىلۋى ءتيىس 4 مىڭ 875 توننا اۆياكەروسيننىڭ ورنىنا بار-جوعى 780 توننا عانا ءتۇسىپتى. كەلىسىمشارتپەن مىندەتتەلگەن «پەتروسان» كومپانياسىنا سەنگەندىكتەن، وزگە جانارماي قورى دا بولماعان. وسىنىڭ سالدارىنان SCAT اۋە كومپانياسى «الماتى - پەتروپاۆل»، «الماتى - كوكشەتاۋ»، «شىمكەنت - پەتروپاۆل»، «قاراعاندى - قىزىلوردا» سەكىلدى رەيستەرىن مۇلدەم توقتاتۋى مۇمكىن.

«اكەلىنۋى ءتيىس اۆياكەروسيننىڭ تەك بەستەن ءبىرىن عانا الىپ وتىرمىز. مۇنداي جاعدايدا ۇشۋ كەستەمىز دە قۇردىمعا كەتۋى مۇمكىن. ەگەر جانارمايدى شەتتەن الاتىن بولساق بۇل جولاۋشىلاردىڭ قالتاسىنا اسەر ەتەدى. ويتكەنى سۇيىق وتىن بيلەتتىڭ 40 پايىزىن قۇرايدى»، - دەپ ءتۇسىندىردى SCAT اۋە كومپانياسى جانارمايمەن قامتۋ ءبولىمىنىڭ باسشىسى دميتري ۋليانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى