استانادا سالىعى تولەنبەگەن كولىكتەر ايىپ الاڭىنا اكەتىلىپ جاتىر

ءبىر عانا الماتى اۋدانى بويىنشا 2012-جىلدان بەرى 1 جارىم ميلليارد تەڭگەدەن استام كولىك سالىعى تولەنبەي كەلەدى. سوندىقتان بيۋدجەتكە ءتۇسۋى ءتيىس قارجىنى قايتارۋ ءۇشىن سوت شەشىم شىعارىپ، وسىنداي قاتاڭ شارا قولعا الىندى. الماتى اۋدانىندا سالىعى تولەنبەگەن 55 مىڭ تەمىر تۇلپار بولسا، باسىم بولىگىنىڭ قوزعالتقىش كولەمى 4 مىڭ تەكشە سانتيمەتردەن اسادى. ياعني ولاردىڭ ءارقايسى ءۇشىن كەمىندە 100 مىڭ تەڭگە تولەنۋى ءتيىس.

ماسەلەن، مىنا جاپوندىق قىمبات كولىك يەسىنىڭ بيۋدجەتكە بىرنەشە جىلدان بەرى بەرەشەگى بار. سوت شەشىمى بويىنشا ەندى ونىڭ دا كولىگى ايىپ تۇراعىنا قويىلادى.

«بىزدەگى 2021 سالىق تولەۋشى ءىرى كولەمدە كولىك يەلەنەدى. ياعني، 4 مىڭ تەكشەدەن جوعارى. سونىڭ ىشىندە 640 سالىق تولەۋشى 230 ميلليون بيۋدجەتكە قارىز. قازىر وسى ءىس-شارالار جەكە سوت ورىنداۋشىلارمەن بىرىگە وتىرىپ، مۇلىكتەرىن تاركىلەپ جاتىرمىز. كولىك سالىعىنىڭ تولەنەتىن ۋاقىتى 31- جەلتوقساندا اياقتالادى. ول ۋاقىتتىڭ ءبارى بىتىسىمەن ءوزىمىزدىڭ شارالاردى قولدانامىز»، - دەدى الماتى اۋدانى بويىنشا مەملەكەتتىك كىرىستەر باسقارماسىنىڭ ءبولىم باسشىسى قايرات تۇرلىبەكوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى