جامبىل وبلىسىندا ۇشەم دۇنيەگە كەلدى

وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنا قاراعاندا، ماگرۋف، ماكسۋم جانە مانسۋر ەسىمدى ۇشەم 13- قاراشادا تۋعان. بالالار ۋاقىتىنان ءسال ەرتەرەك دۇنيە ەسىگىن اشتى.

«العاشقى ءۇش كۇندە سابيلەر ينتەنسيۆتى تەراپيانى قاجەت ەتتى. سوسىن ولار انالارىمەن بىرگە جاڭا تۋعان نارەستەلەردىڭ پاتولوگياسى بولىمىنە اۋىستىرىلدى. قازىر سابيلەر مەن ونىڭ اناسى وزدەرىن جاقسى سەزىنەدى، ولار ۇيلەرىنە شىعارىلماق»، - دەدى وبلىستىق پەريناتالدىق ورتالىقتىڭ باس دارىگەرى ايگۇل ايتبايەۆا.

بوبەكتەردىڭ اناسى ايان ءبىلالوۆا جۇبايىمەن بىرگە بايزاق اۋدانىندا تۇرادى.

«ءبىز وسى قۋانىشتى 7 جىل بويى كۇتتىك. ۋ د ز-دەن ۇشەم تۋرالى ەستىگەن كەزدە قاتتى قۋاندىق. وسىنداعى دارىگەرلەرگە العىسىم شەكسىز. ەگىز ۇلداردىڭ ەكەۋى ءبىر-بىرىنە قاتتى ۇقسايدى، ال ءۇشىنشىسى مۇلدەم ۇقسامايدى»، - دەيدى باقىتتى انا.

ەسكە سالا كەتەيىك، جىل باسىنان بەرى وڭىردە 3 رەت ۇشەم ومىرگەن كەلدى. وسىدان ءبىر اي بۇرىن عانا بايزاق اۋدانىندا ەگىزعارايەۆتار وتباسىندا تاعى ۇشەم دۇنيەگە كەلگەن ەدى. وبلىستىق پەريناتالدىق ورتالىعىندا 2 قىز، 1 ۇل وتا ارقىلى تۋىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى