قازاقستاندا اسكەري قىزمەتشىلەردى باسپانامەن قامتۋدىڭ جۇيەسى وزگەرەدى
اسكەري قىزمەتشىلەردى تۇرعىن ۇيمەن قامتاماسىز ەتۋدىڭ جۇيەسىن جەتىلدىرۋ ماقساتىندا ەلباسى - ق ر قارۋلى كۇشتەرىنىڭ جوعارعى باس قولباسشىسى ن. نازاربايەۆ اسكەري قىزمەتتىڭ بەدەلىن، اسكەري قىزمەتشىلەر مەن ولاردىڭ وتباسى مۇشەلەرىنىڭ الەۋمەتتىك- قۇقىقتىق مارتەبەسىن ارتتىرۋعا «تۇرعىن ءۇي قاتىناستارى ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
قابىلدانعان زاڭدا اسكەري قىزمەتشىلەر مەن ولاردىڭ وتباسى مۇشەلەرىن باسپانامەن قامتاماسىز ەتۋدىڭ جاڭا تەتىگى قاراستىرىلعان.
2018 -جىلدان باستاپ ەڭبەك وتىلىنە قاراماستان (مەرزىمدى قىزمەتتەگى اسكەري قىزمەتشىلەردى، كادەتتەر مەن كۋرسانتتاردى) ەكىنشى دەڭگەيدەگى بانكتەردە شوتتارعا تۇرعىن ءۇي تولەمدەرىن اۋدارۋ ارقىلى قولدانىستاعى زاڭنامادا قاراستىرىلعان ۇستەماقىنى الماستىرادى. بۇل رەتتە جەكەشەلەندىرۋگە جاتپايتىن قىزمەتتىك باسپانامەن، ونىڭ ىشىندە، ونىڭ جابىق جانە وقشاۋلانعان اسكەري قالاشىقتاردا، شەكارا زاستاۆالارى مەن كومەنداتۋرالاردا قامتاماسىز ەتىلگەن اسكەري قىزمەتشىلەرگە تيەسىلى تولەمنەن %50 كولەمىندە ەكىنشى دەڭگەيلى بانكتەرگە اقشالاي قاراجات اۋدارۋ جوسپارلانۋدا.
سونداي-اق، زاڭدا 2013 -جىلعى 1 -قاڭتاردا ەڭبەك وتىلدەرى 10 مەن 15 جىلدى قۇراعان اسكەري قىزمەتشىلەرگە 20 جىلدىق ەڭبەك وتىلىنەن كەيىن اقىسىز جەكەشەلەندىرۋ قۇقىعىن قايتار مۇمكىندىگى قاراستىرىلعان.
اتالمىش نورما 10 مەن 15 جانە 15 تەن جانە ودان دا كوپ ەڭبەك وتىلدەرى بار اسكەري قىزمەتشىلەردىڭ ساناتتارى اراسىنداعى شەكارانى جويۋعا مۇمكىندىك بەرەدى.
