بالالار ۇرلاندى دەپ جالعان اقپارات تاراتۋشىلار ۇستالدى
«سوڭعى ۋاقىتتا WhatsApp ارقىلى بالالار ۇرلانۋدا دەگەن حابارلامالار تاراتىلۋدا. ول شىندىققا ەش جاناسپايدى. الاڭداۋعا ەشقانداي سەبەپ جوق. ازاماتتارعا كورىنەۋ جالعان اقپارات تاراتۋ قىلمىستىق جاۋاپكەرشىلىككە تۇرتكى بولاتىندىعىن ەسكەرتكىم كەلەدى. بۇگىنگى كۇنى تالدىقورعاندا بالالار ۇرلاندى دەپ جالعان اقپارات تاراتۋ كۇدىگىمەن 3 ادام ۇستالدى»، - دەدى الماس سادۋبايەۆ.
سونىمەن قاتار ول كامەلەتكە جاسى تولماعاندارعا قاتىستى قانداي بار ءبىر قۇقىققا قايشى ارەكەتتەر تۋرالى اقپاراتتى بىلگەن بولسا، وندا ونى وزىمەن بايلانىستى ادامدارعا ەمەس پوليتسياعا حابارلاۋ قاجەت ەكەندىگىن اتاپ وتكەن.
«ب ا ق وكىلدەرى مۇنداي اقپاراتتى جاريالاماس بۇرىن ونىڭ انىقتىعىن ءى ءى م مەن ءى ءى د باسپا ءسوز قىزمەتتەرىنەن انىقتاپ الۋدى وتىنەمىن. ازاماتتاردىڭ، اسىرەسە بالالاردىڭ ومىرىنە قاۋىپپەن بايلانىستى جالعان اقپارات ەل حالقىنىڭ اراسىندا دۇربەلەڭ تۋىنداتۋى مۇمكىن»، - دەدى دەپارتامەنت باسشىسى.
اۆتور: مارلان جيەمباي
