قورعاستا زاماناۋي قويمالار سالىنادى

 اۋماعى 25 مىڭ شارشى مەتر بولاتىن ەكى بىردەي الىپ قويمانىڭ قۇرىلىس جۇمىستارىن كەلەر جىلدىڭ تامىز ايىندا اياقتاۋ جوسپارلانىپ وتىر. سول كەزدە مۇندا مىڭداعان توننا جۇك ساقتالاتىن بولادى. بۇل حالىقارالىق جۇك تاسىمالىمەن اينالىساتىن كاسىپكەرلەر مەن ءونىم وندىرۋشىلەر ءۇشىن وتە ىڭعايلى، سونداي- اق لوگيستيكا قىزمەتىن دامىتۋعا ىقپالى زور بولماق.

حيشام بەلمااشي، «قورعاس -  شىعىس قاقپاسى» ا ە ا باسقارۋشى كومپانياسىنىڭ باس وپەراتسيالىق ديرەكتورى:

 - بۇگىنگى شارانىڭ اشىلۋ ءراسىمى شەتەلدىك كومپانيالاردىڭ ءبىزدىڭ جوبامىز اياسىندا ىنتىماقتاسۋعا دايىن ەكەنىن ايعاقتايدى. ولار وسى ايماقتىڭ كەلەشەگىنە سەنەدى جانە وسى جوبانىڭ لوگيستيكالىق دامۋ باعىتىن كورىپ وتىر.

 قىتاي مەن قازاقستان اراسىنداعى ساۋدا ەكونوميكالىق قارىم- قاتىناستىڭ ارتىپ كەلە جاتقانىنا بايلانىستى «قورعاس» ارنايى ەكونوميكالىق ايماعىندا زامان تالابىنا ساي قويما سالۋ قاجەتتىگى تۋىندادى. ارنايى ەكونوميكالىق ايماعىندا ينۆەستورلار ءۇشىن بارىنشا جاعداي جاسالعان. مۇندا ءتيىمدى سالىق جۇيەسى قاراستىرىلعان، كەدەندىك باج سالىعى ءتىپتى جوق دەسە دە بولادى. قازىرگى ينفراقۇرىلىم جوبانىڭ قىسقا مەرزىمدە جۇزەگە اسۋىنا مۇمكىندىك بەرەدى. «قازاقستان تەمىر جولى» بۇل جوبالاردى «100 ناقتى قادام» ۇلت جوسپارىنىڭ اياسىندا جۇزەگە اسىرۋدا. بۇل ءوز كەزەگىندە قازاقستاننىڭ تەرمينالدىق جەلىسىن ءارى قاراي دامىتۋعا قىزمەت ەتەدى. اۆتورى: جاندوس ايتباي ۇلى

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى