قازاقستانداعى ەڭ قىمبات ۇيلەردىڭ باعاسى بەلگىلى بولدى
كۇن ساناپ دامىپ جاتقان وركەنيەتتى ەلىمىزدە باي-باعىلاندار بىرىنەن-ءبىرى اسىپ، اسپانمەن استاسىپ، كوكپەن تالاسقان ءزاۋلىم ۇيلەر سالۋدا.
ولاردىڭ سۇلۋلىعىنا قاراپ تامسانىپ، تاڭداي قاعىپ جاتقانداردا از ەمەس، دەپ حابارلايدى الماتى ارناسى.
دەگەنمەن، اتالمىش باسپانالار قانشا ا ق ش دوللارىن قۇرايدى؟ ولاردىڭ اۋماعىنىڭ شارشى مەترى قانشا؟ بۇل ۇيلەردىڭ قىمبات تۇرۋىنىڭ سەبەبى نەدە؟ كورگەندە كوزدىڭ جاۋىن الاتىن كوتتەجدەر قاي قالادا ورنالاسقان؟
قازاقستان بويىنشا ەڭ قىمبات ءۇي الماتى قالاسىندا ورنالاسقان. ونىڭ باعاسى 11 ميلليون 126 مىڭ ا ق ش دوللارىن (3 ميلليارد 700 ميلليون تەڭگە) قۇرايدى. ءۇش قاباتتى ءزاۋلىم ۇيدە 30 بولمە بار. ءۇيدىڭ ەنى 300 مىڭ شارشى مەتر. اۋلاسىنىڭ وزىندە ءار ءتۇرلى شاعىن ۇيلەر ورنالاسقان. مونشا، ساۋنا، فيتنەس زالى، گولف كلۋبى، بالالارعا ارنالعان ويىن الاڭى تاعى بار.
ال جەكە جايدىڭ باعاسى 10 ميلليون دوللارعا جۋىق (3 ميلليارد 300 ميلليون تەڭگە). بۇل ءۇيدىڭ ەنى 1200 شارشى مەتر. ال اۋلاسىنىڭ اۋماعى 2 گەكتار جەردى الىپ جاتىر. ءۇي ءۇش قاباتتان تۇرادى. ءبىرىنشى قاباتتا اس ءۇي، قوناق بولمە، جەكە كابينەت ورنالاسقان. ەكىنشى قاباتتا 4 جاتىن بولمەسى، گاردەروب، اس ءۇي، ەكى بالكون بار. ال جەرتولەدە تاعى ءبىر قوناق بولمەسى، جاتتىعۋ زالى ورنالاسقان. سونداي-اق، كولىك تۇراقتارى دا بار.
ەسىك الدىنا ءار ءتۇرلى اعاشتار وتىرعىزىلعان. دالانىڭ سۇلۋ تابيعاتى كوز تارتىپ تۇرادى. سونىمنەن قاتار، ءۇيدىڭ جانىندا 250 شارشى مەتر مونشا ورنالاسقان. ونىڭ ىشىندە ساۋنا، دجاكۋزي جانە قوناق بولمەسى بار. اتالمىش قالاشىق تولىعىمەن بەينەباقىلاۋ كامەرالارىمەن جابدىقتالعان. بۇل ءۇي تۇڭعىش پرەزيدەنت ساياباعىنىڭ جانىندا ورىن تەپكەن.
ءۇشىنشى ورىنعا ورنىققان ءۇي وڭتۇستىك قازاقستان وبلىسى شىمكەنت قالاسىندا ورنالاسقان. بۇل ءۇيدىڭ باعاسى 9 ميلليون ا ق ش دوللارىن (3 ميلليارد تەڭگە) قۇرايدى. باسپانا 2 قاباتتان تۇرادى. ءۇيدىڭ ءىشى ارنايى ديزاينەرلەردىڭ كومەگىمەن كومكەرىلىپ جاسالعان. كوتتەدج 10 سوتتىق جەردى الىپ جاتىر. ءۇي 24 ساعات كۇزەتتىڭ باقىلاۋىندا. تولىعىمەن بەينەكامەرامەن جابدىقتالعان.
استانا قالاسى بويىنشا ەڭ قىمبات ءۇي اقبۇلاق ىقشام اۋدانىندا ورنالاسقان. اتالمىش كوتتەدج 7,5 ميلليون ا ق ش دوللارى (2 ميلليارد 500 ميلليون تەڭگە) تۇرادى. ءۇيدىڭ ىشىندە 12 بولمە بار. سونىمەن قاتار، دالادا 4 كولىك تۇراعى، مونشا، ساۋنا، باسسەين جانە جەكە ۇيلەر ورىن تەپكەن. مۇندا اۋلانىڭ كوركىن اشا تۇسەتىن باقتا بار.
بەسىنشى ورىندا - 3 قاباتتى كوتتەدج اقتاۋ قالاسىندا ورنالاسقان. ونىڭ باعاسى 1 ميلليون 750 مىڭ دوللاردى (582 ميلليون تەڭگە) قۇرايدى. ءۇيدىڭ ىشىندە 9 بولمە بار. قوناق، اس، جاتىن، جاتتىعۋ جاسايتىن بولمەلەرى. باسقا ۇيلەردەن ەرەكشەلىگى - ءبىرىنشى قاباتتىڭ بارلىعىن قىسقى باق الىپ جاتىر.
بۇگىن ءبىز رەتينگ بويىنشا 2017-جىلى بەلگىلى بولعان قىمبات ۇيلەردىڭ تىلسىم سىرلارىمەن بولىستىك. ەلىمىز كۇن ساناپ، عارىشتاپ دامىپ جاتقان زاماندا بۇل سيفرلار تاعى وزگەرە ءتۇسۋى بەك مۇمكىن.
