شىمكەنتتە «قارا سومكە» ەلدى دۇرلىكتىردى
بەلگىلى بولعانداي، قارا سومكە تۇنگى ساعات 22.00 دەر شاماسىندا قالاداعى 17-شاعىن اۋداننىڭ اۋلالارىنىڭ بىرىنەن تابىلعان. وسى تۋرالى وبلىستىق ءى ءى د- نە حابارلاما تۇسكەن سوڭ وقيعا ورنىنان پوليتسەيلەر كەلىپ جەتتى. سونداي-اق، اۋلاعا جەدەل جاردەم قىزمەتى دە شاقىرىلدى. ءتارتىپ ساقشىلارى قاۋىپتى اۋماقتان تۇرعىنداردى شىعارىپ، ونى قورشاۋعا الدى.
ازىرگە بەلگىلىسى، بەلگىسىز بىرەۋ وبلىستىق ىشكى ىستەر دەپارتامەنتىنە حابارلاسىپ، ەرىمبەتوۆ كوشەسىنىڭ بويىنا قاۋىپتى سومكە قويىلعانىن ايتقان. الايدا وقيعا ورنىنا كەلگەن ساپەرلار سومكەنى اشىپ كورگەنىمەن ىشىنەن قاۋىپتى زات تاپپاعان.
وسىدان كەيىن قورشاۋ الىنىپ، تۇرعىندار ءوز پاتەرلەرىنە جىبەرىلدى. قازىر ىشكى ىستەر دەپارتامەنتىنە كىمنىڭ حابارلاسقانى انىقتالىپ جاتىر.
