قازاقستاندىق بالالار جازۋشىسىنىڭ رومانى گارري پوتتەردەن كەم تۇسپەيدى

 دەپ حابارلايدى قازاقپارات ءتىلشىسى.

ۇزدىك شىعارما اۆتورى قازاقستاندىق بالالار جازۋشىلارىنىڭ الەم مويىنداعان شەتەلدىك ادەبيەت وكىلدەرىمەن باسەكەگە تۇسە الاتىنىنا ءۇمىت ءبىلدىردى.

«بيىل «الماتى كىتاپ» باسپاسى 2014 -جىلى «التىن قالام» بايقاۋىندا توپ جارعان «ءامينا تۇران كوشپەندىلەر ەلىندە» اتتى جازبامدى ساتىپ الدى. بۇل مەنىڭ «بالالار مەن جاسوسپىرىمدەر رومانى» جانرىنداعى تىرناقالدى ەڭبەگىم جانە ول «گارري پوتتەر»، «تانيا گروتتەر» سىندى شەتەلدىك تۋىندىلاردان كەم تۇسپەيدى دەپ ۇمىتتەنەمىن. ەلىمىزدەگى بالالار ادەبيەتىنىڭ دە ودان ءارى دامي تۇسەتىنىنە ۇمىتتەنەمىن»، - دەدى ول استانادا وتكەن ماراپاتتاۋ راسىمىندە.

سونىمەن بىرگە زاۋرە تورەحانوۆا تاۋەلسىزدىك جىلدارى قازاقستانداعى بالالار ادەبيەتىنىڭ كەنجەلەپ قالعانىن مويىندادى.

 «بىزدە پروزا، پوەزيا، دراماتۋرگيا جانرلارى جاقسى دامىپ كەلەدى، الايدا بالالار ادەبيەتى ءسال كەنجەلەپ قالدى. بالالار جازۋشىلارى وتە از، سەبەبى بۇل جاۋاپكەرشىلىكتى تالاپ ەتەتىن وتە قيىن سالا. بالالار - ءبىزدىڭ بولاشاعىمىز. ولار ادەبي شىعارمالاردان ءوزىن جانە وتباسىن كورۋى ءتيىس»، - دەپ ەسەپتەيدى جازۋشى.

ەسكە سالا كەتسەك، بۇگىن استانادا جاس ادەبيەتشىلەرگە ارنالعان ءداستۇرلى «التىن توبىلعى» شىعارمالار بايقاۋىنىڭ جەڭىمپازدارى ماراپاتتالدى. جالپى جۇلدە قورى 5,5 ميلليون تەڭگەنى قۇرايتىن بۇل بەدەلدى بايقاۋدى قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى بيىل ءۇشىنشى رەت ۇيىمداستىرىپ وتىر. جىل سايىن «التىن توبىلعى» بايقاۋىنا 18-35 جاس ارالىعىنداعى جاس دارىندار قاتىسىپ، قوماقتى اقشالاي جۇلدەگە يە بولا الادى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى