قازاقستاندا ەلەكتروندى ۆيزا ەنگىزۋ ۇسىنىلدى

دەپ حابارلايدى قازاقپارات.

«مىسالى، بىزدە ەلەكتروندىق ۆيزا جوق، وسى كۇنگە دەيىن ميگراتسيالىق كارتالار جۇمىس ىستەۋدە، سونداي- اق الەمدە قازاقستاندىق تۋريزمدى ناسيحاتتاۋدا اقپاراتتىق سۇيەمەلدەۋ ءتيىستى دەڭگەيدە ەمەس. قازىرگى كەزدە قازاقستاندا 65 ەلگە قاتىستى ۆيزاسىز رەجىم بار. يۋنۆتو مالىمەتىنشە، شەتەلدە قازاقستاندىق ۆيزانى الۋ قيىنداۋ. سوندىقتان دا جاقىن ارادا جەدەل تۇردە ەلەكتروندى ۆيزانى ەنگىزۋ كەرەك»، - دەيدى ۆيتسە- مينيستر.

ونىڭ سوزىنە قاراعاندا، ازەربايجاندا 2013 -جىلى ەلەكتروندى ۆيزانى ەنگىزۋ ناتيجەسىندە شەتەل تۋريستەرى 3,5 ەسەگە ارتقان ەكەن.

ەرلان قوجاعاپانوۆتىڭ پايىمىنشا، سونىمەن قاتار ەلگە كەلگەن سوڭ بەرىلەتىن ۆيزالاردى قولدانۋ كەرەك، سونداي- اق 72 ساعاتتىق ۆيزاسىز ترانزيتتىك رەجىمدى كەڭەيتىپ، ميگراتسيالىق تىركەۋدى الىپ تاستاۋ قاجەت.

بۇدان بولەك، ول ەكسپو-2017 كورمەسى كەزىندە ءۇش اي بويى قولدانىلعان «اشىق اسپان» ساياساتىن ەنگىزۋ وتە ماڭىزدى ەكەنىن، وسى ورايدا ەلەۋلى تۇردە وڭتايلى تيىمدىلىككە قول جەتىكىزىلگەنىن اتاپ ءوتتى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى