استانادا «التىن توبىلعى» ادەبي بايقاۋىنىڭ جەڭىمپازدارى بەلگىلى بولدى - فوتو
جالپى جۇلدە قورى 5,5 ميلليون تەڭگەنى قۇرايتىن بۇل بەدەلدى بايقاۋدى قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى بيىل ءۇشىنشى رەت ۇيىمداستىرىپ وتىر.
«التىن توبىلعى» بايقاۋى قازاقستاننىڭ جاس تالانتتارىنا قولداۋ بىلدىرۋگە باعىتتالعان جانە وسىنداي بايقاۋلار ارقىلى جاس اقىندار مەن پروزايكتەردىڭ، جاس دراماتۋرگتەردىڭ ەسىمى ەلگە تانىلىپ، قازىرگى زامانعى ادەبيەتتەن لايىقتى ورىن الۋدا. بۇعان دەيىن 2015-2016 -جىلعى ۇزدىك شىعارمالاردى ىرىكتەپ، جيناق ەتىپ شىعارعان بولاتىنبىز. بۇگىن 2017 -جىلدىڭ ۇزدىك ادەبيەتشىلەرىنە جول اشىپ وتىرمىز»، - دەدى ق ر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى قانات ءجۇنىسوۆ «التىن توبىلعى» بايقاۋىنىڭ جەڭىمپازدارىن ماراپاتتاۋ راسىمىندە.
ەرەجەگە سايكەس، بايقاۋعا بۇرىن- سوڭدى ەش جەردە جاريالانباعان تۋىندىلار كەلىپ ءتۇستى جانە ولارعا نۇرلان ورازالين باستاعان ەلىمىزدىڭ تانىمال مادەنيەت قايراتكەرلەرى، اقىن- جازۋشىلار مەن جۋرناليستەرى قازىلىق ەتتى.
قازىلار القاسىنىڭ شەشىمىمەن «ۇزدىك پروزا» نوميناتسياسى بويىنشا «التىن توبىلعى» سىيلىعى مەن 1 ميلليون تەڭگە سىياقى جازۋشى، جۋرناليست بەيبىت سارىبايعا بەرىلدى.
«ۇزدىك پوەزيا» نوميناتسياسى بويىنشا - مەرەي قارت پەن ۇلاربەك نۇرعالىم ۇزدىك دەپ تانىلدى جانە ءارقايسىسىنا 750 مىڭ تەڭگەدەن اقشالاي جۇلدە تابىستالدى.
«بالالارعا ارنالعان ۇزدىك شىعارما» ساناتىندا ايسۇلۋ ءالماش پەن زاۋرە تورەحانوۆا «التىن توبىلعى» سىيلىعىمەن جانە 750 مىڭ تەڭگە اقشالاي سىياقىمەن ماراپاتتالدى.
وكىنىشكە وراي، «ۇزدىك دراماتۋرگيا» نوميناتسياسى بويىنشا بيىل بايقاۋ تالاپتارىنا ساي كەلەتىن جۇمىس تۇسپەگەن.
سونىمەن قاتار، بيىل ق ر پرەزيدەنتى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان ماقساتتاردى جۇزەگە اسىرۋعا ارنالعان «تۋعان ەل» ارنايى تاقىرىپتىق نوميناتسياسى جاريالانعان ەدى. اتالعان نوميناتسيا مەن 1,5 ميلليون تەڭگە كولەمىندەگى قوماقتى جۇلدەنى جاس اقىن ماقپال مىسا جەڭىپ الدى.
ايتا كەتەيىك، ەلىمىزدىڭ شىعارماشىل جاستارىنا قولداۋ بىلدىرۋگە ارنالعان «التىن توبىلعى» بايقاۋى 2015 -جىلدان بەرى وتكىزىلىپ كەلەدى. وعان 18-35 جاس ارالىعىنداعى جاس دارىندار قاتىسىپ، قوماقتى اقشالاي جۇلدەگە يە بولا الادى.
اۆتور: ايجان سەرىكجان قىزى
