سوزىلمالى كۇيزەلىستىڭ ادامعا اسەرى
سانانى كۇڭگىرتتەندىرەدى كوپتەگەن زەرتتەۋلەر مەن كۇيزەلىسكە ءجيى شالدىعاتىن ادامداردىڭ باقىلاۋلارىنا سۇيەنەتىن بولساق، سوزىلمالى كۇيزەلىس سەرگەك ادامنىڭ ءوزىن ەسەنگىرەتەتىنى كۇمان تۋعىزبايدى. ادەتتە بۇل پسيحولوگيالىق دەرت ادام نازارىنىڭ ءبىر نىسانعا شوعىرلانۋىن، ەستە ساقتاۋ قابىلەتى مەن لوگيكاسىن، اقىلعا قونىمدى شەشىمدەردى قابىلداۋ قابىلەتىن باسەڭدەتەدى. ۇزاق ۋاقىتقا سوزىلعان سترەسستىڭ بارىسىندا ادامنىڭ ءبارى سىني ويلاۋ مەن سارالاۋ قاسيەتىنەن ايىرىلادى.
جۇرەك اۋرۋلارىنىڭ پايدا بولۋ قاۋپىن ارتتىرادى سترەسس جۇرەك جيىلىگى مەن سوعۋ كۇشىن ارتتىرادى، ارتەريالاردى تارىلتىپ، جۇرەك ىرعاقتارىنا اسەر ەتەدى. قان قىسىمىنىڭ جوعارىلاۋى ۇنەمى مازالاپ، ادام ءوزىنىڭ قالىپتاسقان ءومىر ءسۇرۋ داعدىسىنان اۋىتقي باستايدى.
يممۋندىق جۇيەنى السىزدەندىرەدى ادام اعزاسى السىزدىگىنەن ينفەكتسيالار ىقپالىنا ءجيى ءتۇسىپ، سۋىق تيۋ نەمەسە تۇماۋمەن اۋىرۋ جيىلىگى مەن ۇزاقتىعى ارتادى. كارنەگي ينستيتۋتىنىڭ زەرتتەۋى بويىنشا، سترەسس اعزانى توكسيندەر، ۆيرۋستار مەن ۋ سەكىلدى زياندى زاتتاردان قورعايتىن گەماتوەنتسەفاليت كەدەرگىسىنە كەرى اسەر ەتەدى.
ەرتە قارتايۋعا الىپ كەلەدى سترەسس ادامنىڭ فيزيولوگياسىنا، سونىڭ ىشىندە، قانعا تىكەلەي اسەر ەتەدى. قان اعىمىنىڭ تەرىگە جەتۋى قيىندايتىندىقتان، ول سارعايىپ قارتايا باستايدى. وزگە اۋرۋلارمەن قوسا، التسگەيمەر اۋرۋىنا دا شالدىعۋ قاتەرىن تۋعىزادى.
ارتىق سالماق قوسۋ مەن اس قورىتۋ جۇيەسىنىڭ بۇزىلۋىنا الىپ كەلەدى كورتيزول اتالاتىن سترەسس گورمونى اعزادا مايدىڭ جينالۋىنا ىقپال ەتەدى جانە مايلاردى، تۇز جانە قانتتى تۇتىنۋعا دەگەن ىقىلاستى جوعارىلاتاتىنىن اتاپ وتەمىز.
كوڭىل- كۇيدى بۇزىپ، ادامدارمەن قارىم- قاتىناستى ناشارلاتادى كۇيزەلىسكە تۇسۋگە بەيىم ادام پسيحولوگتار مەن پسيحياترلاردان باسقا ەشكىمگە قىزىق ەمەس. ونداي ادامدار اينالاسىنداعىلاردىڭ نازارىنا ىلىكپەيتىندىكتەن جالعىز قالادى. بۇل ۇزاق ءارى تەرەڭ دەپرەسسياعا الىپ كەلەدى.
ەسكى اۋرۋلاردى قوزدىرادى سوزىلمالى سترەسس پەن باس اۋىرۋى، بۇلشىقەت اۋىرسىنۋى اراسىنداعى ايقىن بايلانىس بار. مۇنىڭ ءبارى ارتريتكە اكەلۋى مۇمكىن. تەرىگە، شاشقا جانە تىستەرگە اسەر ەتەدى سترەسسكە بايلانىستى گورمونالدى اۋىتقۋشىلىقتار مەن قاننىڭ تەرىگە قاجەت مولشەردە جەتكىزىلمەۋى ادامنىڭ سىرت كەلبەتىنىڭ كورىكسىزدەنۋىنە الىپ كەلەدى.
ەكزەما دا سترەسسكە بايلانىستى ورىن الادى. شاشتىڭ ءتۇسۋى مەن قىزىليەكتىڭ بوساڭسۋى سوزىلمالى ۋايىمنان تۋىنداۋى ابدەن مۇمكىن. جامان ادەتتەرگە جول اشادى ادەتتە كۇيزەلىسكە بەيىم ادام ۋايىمىن جەڭىلدەتۋ ءۇشىن ءتۇرلى جامان ادەتتەرگە ءۇيىر بولىپ كەتەدى. بۇل ونى جان دەرتىنەن ارىلتپاي، كەرىسىنشە، ونىڭ ودان ءارى اسقىنۋىنا اكەلىپ سوعادى.
Massaget.kz
