تۋريزمگە كەدەرگى قۇبىلىستى توتەنشە وقيعا رەتىندە قابىلداۋ كەرەك - قوجاعاپانوۆ
«بۇگىندە الەمدە، ونىڭ ىشىندە كورشىلەس ەلدەردە تۋريست ءۇشىن باسەكەلەستىك تارتىس باستالدى. ءبىزدىڭ جاقىندا ورنالاسقان باسەكەلەستەرىمىز وسى سالانى دامىتۋدا ايتارلىقتاي بەلسەندىلىك تانىتۋدا. وسى ورايدا بۇل ەلدەر تۋريستىك جاڭا ونىمدەردى ازىرلەۋگە ەرەكشە ءمان بەرىپ وتىر، سوندىقتان بىزگە تۋريستەرگە قولايلى جاعداي جاساۋدا وزىپ شىعۋ ماڭىزدى بولىپ تۇر»، - دەدى ۆيتسە- مينيستر.
بۇل تۇرعىدا قوجاعاپانوۆ ەل تۇرعىندارى بارىنشا قوناقجايلىلىق تانىتۋى قاجەتتىگىن اتاپ ءوتتى.
«كەز كەلگەن تەرىس فاكتى نەمەسە ءبىزدىڭ وتانداستار تاراپىنان كىشكەنە تۇسىنبەستىكتىڭ ءوزى، سونداي- اق ايىپپۇل سالۋعا تىرىسقان پوليتسەيدىڭ ارەكەتى، شەكارالىق جانە كەدەندىك باقىلاۋدى ۇزاق ءوتۋ جاعدايى، داياشىلاردىڭ اعىلشىن تىلىندە تاپسىرىس قابىلداي الماۋى سەكىلدى وقيعالار شەتەلدىك تۋريستەردى تارتۋعا ايتارلىقتاي كەرى اسەر ەتۋى مۇمكىن. سوندىقتان قازاقستانداعى تۋريستىك ساياحاتتارعا بايلانىستى تەرىس يميدجدىڭ قالىپتاسۋىنا جول بەرۋگە بولمايدى. وسى ورايدا كەز كەلگەن مۇنداي تەرىس قۇبىلىستى توتەنشە وقيعا رەتىندە قابىلداۋىمىز كەرەك. ال بۇعان جول بەرگەندەر مەملەكەتكە قارسى ارەكەت جاساعانىن جانە ەلدىڭ مۇددەسىنە نۇقسان كەلتىرگەنىن ءتۇسىنۋى ءتيىس. اتاپ ايتقاندا، بۇل شارالاردىڭ بارلىعى تەك شەتەلدىك مەيماندارعا قاتىستى عانا ەمەس، سونىمەن قاتار ءبىرىنشى كەزەكتە ءوزىمىزدىڭ ازاماتتارعا جاسالۋى كەرەك»، - دەيدى ول.
ۆيتسە- ءمينيستردىڭ پايىمىنشا، تۋريستىك كليماتتى جاقسارتۋ تۇرعىسىندا جۇيەلى قادامدارعا بارۋ قاجەت.
اۆتور: رۋسلان عابباسوۆ
