اينۇر تۇرسىنبايەۆا: ادام ەسەيگەن سايىن اقىلىم كوبەيىپ كەلە جاتىر دەپ ويلايدى
«ادام ەسەيگەن سايىن اقىلىم كوبەيىپ كەلە جاتىر دەپ ويلايدى. ءبىراق اقىلدى بولعان سايىن ارمانعا قول جەتكىزۋ قيىنداپ، كوپ نارسەگە سەنە بەرمەيتىن بولامىز. بايقايسىزدار ما، قاي-قايسىمىزدىڭ بولسىن بالا كەزدەگى ارماندارىمىزدىڭ كوبى ورىندالعان. نەگە؟! سەبەبى بالانىڭ ەنەرگەتيكاسى تازا!
ولار ەشكىمدى جاماندامايدى. ەشكىمگە رەنجىمەيدى. ەشكىممەن ۇرسىسپايدى. «پەرىشتە ايتسا قابىل بولادى»، «پەرىشتە جول قاراپ ەدى، قوناق كەلدى» دەپ ءوزىمىز دە تالاي ايتتىق. كوپ جاعدايدا نەگە تىلەگىمىز قابىل بولمايدى، سەبەبى جاراتۋشىعا ايتىپ جاتقان ارىزىمىزدىڭ جولىن ءوزىمىز جاۋىپ تاستايمىز. بلوك كوپ، نەگاتيۆ كوپ، جامان ەنەرگەتيكا كوپ. شاشىمىز كىرلەسە جۋامىز، ءۇيىمىز كىرلەسە تازالايمىز، كيىم كىرلەسە جۋامىز. ال جان-دۇنيەنى شە؟! ونى تازالاۋدىڭ جولى كوپ»، - دەپ جازادى ايتىسكەر جەلىدەگى پاراقشاسىندا.
ەڭ الدىمەن ءوزىمىزدى رەنجىتكەن ادامداردى كەشىرۋ. قانشا قيىن بولسا دا كەشىرىڭىز، سوندا ءوز جولىڭىز اشىلادى. سوسىن ءوزىمىز رەنجىتكەن ادامداردان كەشىرىم سۇراۋ.ول دا بلوك! ءوزىمىز بىلمەيتىن اڭگىمەگە ارالاسپاۋ! قورقىنىشتى جاڭالىقتاردان، كينولاردان ميدى تازا ۇستاۋ، جۇرەگىمىزگە جاقىن قابىلدايتىن اۋىر سەريالداردى قاراماۋ، كىسىنىڭ كوڭىلىنە كەلەتىن اۋىر ءسوز ايتپاۋ. بىرەۋ ءتيىسىپ جاتسا جاۋاپ بەرمەۋ. تازالىقتى بالالاردان ۇيرەنۋىمىز كەرەك نەگىزى. ياعني جۇرەك پەن ميدى تازا ۇستاڭىز، تازالاڭىز. سوندا بارلىق تىلەگىڭىز قابىل بولادى، جولىڭىز اشىلادى، ساتتىلىك!
