قازاقستان حالقىنىڭ سانىن ونلاين رەجيمدە كورۋگە بولادى

ەندى، كوميتەتتىڭ رەسمي سايتىندا قازاقستان حالقىنىڭ ناقتى سانىن ونلاين رەجيمدە كورىپ وتىرۋعا بولادى. اتالعان جۇيەدە تۋۋ، ءولىم، شەتەلدەن كەلۋ مەن شىعۋ سياقتى كورسەتكىشتەر اۆتوماتتى تۇردە ەسكەرىلەدى. حالىقتىڭ سانىن جىنىسىنا قاراي بولۋگە دە بولادى.

«بۇعان دەيىن ءبىز قازاقستان حالقىنىڭ ەسەپتەۋىشىن ىسكە قوسامىز دەپ ايتقان ەدىك. مىنە، بۇگىن وسى جوبانى تانىستىرىپ وتىرمىز. وعان التى ايداي ۋاقىت كەتتى. بيۋدجەتتەن اقشا جۇمسالعان جوق. بارلىعى كوميتەت قىزمەتكەرلەرىنىڭ ءوز قولىمەن جاسالدى»، - دەدى كوميتەت ءتوراعاسى نۇربولات ايداپكەلوۆ بۇگىن استانادا وتكەن باسپا ءسوز ءماسليحاتىندا. ونلاين ەسەپتەۋىشتىڭ مالىمەتىنە سايكەس، ساعات 11:25 تە قازاقستان حالقىنىڭ سانى 18391992 ادامدى قۇرادى.

ايتا كەتەيىك، بۇگىندە حالىق سانىنىڭ ەسەپتەۋىشى ا ق ش، رەسەي، قىتاي جانە باسقا دا مەملەكەتتەردە بار. الايدا قازاقستاندىق ەسەپتەۋىشتىڭ باستى ارتىقشىلىعى سول، ونداعى دەرەكتەر اي سايىن جاڭارتىلادى. الداعى ۋاقىتتا حالىق سانىن ايماقتار بويىنشا كورسەتۋ كوزدەلىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى