سەربيا مەن رەسەي ارتىستەرى جاڭا قازاقستاندىق فيلمگە تۇسەدى - فوتو
كينوستۋديا «ستالكەر سينەما» ج ش س بىرلەسە وتىرىپ جۇمىس اتاۋى «جاعالاۋ» («كۇنباعىس») اتتى جاڭا تولىق مەتراجدى كوركەم فيلمدى ءتۇسىرۋدى قولعا الدى. رەجيسسەرى - ەليا گيلمان.
راسۋل شىبىنتايدىڭ سەناريى بويىنشا تۇسىرىلەتىن بۇل فيلم قاراپايىم وتباسى تۋرالى، سونىمەن قاتار ۇلكەندەردىڭ ىسىنە ارالاسىپ، ولاردىڭ پروبلەمالارىن شەشپەك بولعان 13 جاستاعى جاس ءوسپىرىمنىڭ ءومىرىن باياندايدى.
«بۇل كۇندە بارلىعىمىز جۇمىس ىستەپ، اقشا تابۋدان قولىمىز بوسامايدى. قولىمىزدان كەلگەنشە ءوز بالالارىمىزعا ەڭ جاقسىنى الىپ بەرۋگە تىرىسامىز، مىسالى ەڭ جاقسى تەلەفون، ادەمى كيىم، ءتىپتى جاقسى مەكتەپكە ورنالاستىرۋعا بار كۇشىمىزدى سالامىز. الايدا، ءبىز بالالارىمىزعا اتا-انالىق ماحابباتىمىزدى قانشالىقتى بەرىپ جاتىرمىز؟ فيلمدە وسى ماسەلە تالقىلانادى. بۇل تۋىندى ەرەسەكتەرگە ارنالادى»، - دەدى فيلمنىڭ رەجيسسەرى ەليا گيلمان.
رەجيسسەرىنىڭ ايتۋىنا قاراعاندا فيلمنىڭ جەلتوقسان ايىنا دەيىن دايىندىق كەزەڭىندە ءتۇسىرۋ توبى جاس وسپىرىمدەر اراسىندا كاستينگ وتكىزىپ، ينتەرەرلىك جانە ەكستەرەرلىك لوكاتسيالاردى تاڭداپ، وتپەلى كەزەڭ كورىنىستەرىن ءتۇسىرىپ ۇلگەرگەن.
«فيلمنىڭ باستى كەيىپكەرى - 13 جاسار ۇل بالانى ۇزاق ىزدەدىك. بۇل رولگە كەيىپكەردى ءۇش اي بويى ىرىكتەدىك. وتپەلى كەزەڭنىڭ كورىنىستەرىن تۇسىرۋگە ءبىر اپتا قالعاندا، راشيد مۋسين ەسىمدى بالانى تاۋىپ، بىردەن وسى رولگە بەكىتتىك»، - دەدى رەجيسسەر.
ەليا گيلماننىڭ ايتۋىنا قاراعاندا، فيلمدە اكەنىڭ ءرولىن سومداۋعا قازاقستاندىق تانىمال اكتەر ەركەبۇلان دايىروۆ بەكىتىلگەن. ال ونىڭ دوسىن تالانتتى اكتەر جاندوس ايباسوۆ وينايدى. انا رولىنە سەربيالىق اكتريسا سلوبودا ميچالوۆيچ جانە ۇستازدىڭ رولىنە رەسەيلىك اكتەر كيريلل كيارو شاقىرىلعان.
2018-جىلدىڭ قاڭتار ايىندا «جاعالاۋ» فيلمىنىڭ ءتۇسىرۋ جۇمىستارى جالعاسادى. بارلىق تۇسىرىلىمدەر الماتى قالاسىندا وتەدى.
