گەننادي گولوۆكين ءوزى تۋعان ءوڭىرىنىڭ قۇرمەتتى ازاماتى اتاندى

گولوۆكيندى قاراعاندى وبلىستىق ءماسليحاتىنىڭ XIII سەسسياسىندا دەپۋتاتتار ءبىراۋىزدان قولدادى.

دەپۋتاتتار «وبلىستىڭ قۇرمەتتى ازاماتى» اتاعىن بەرۋ ازاماتتىڭ ەلگە سىڭىرگەن كوپجىلدىق ەڭبەگى مەن ەرەكشە قابىلەتىن، بەلسەندىلىگى مەن جاۋاپكەرشىلىگىن كوپشىلىكتىڭ مويىنداعاندىعىن بىلدىرەدى» - دەدى.

اتالمىش اتاق سونىمەن قاتار ازاماتتاردىڭ قوعامداعى بەلسەندىلىگىن ارتتىرىپ، وبلىستىڭ ەكونوميكالىق جانە الەۋمەتتىك دامۋىنا قوسقان ۇلەسىن ۇلىقتاپ، وسكەلەڭ ۇرپاقتى قازاقستاندىق پاتريوتيزم ۇلگىسىندە تاربيەلەۋدى كوزدەيدى.

گەننادي گولوۆكين ەشقاشان جەڭىلىپ كورمەگەن كاسىبي بوكسشى، ول ورتا سالماقتا ونەر كورسەتەدى. 2003 -جىلى ول اۋەسقوي بوكسشىلار اراسىندا الەم چەمپيونى، 2004 -جىلعى وليمپيادا ويىندارىنىڭ ۆيتسە- چەمپيونى اتاندى. 38 كەزدەسۋ وتكىزىپ، ونىڭ 37 سىن جەڭىسپەن اياقتادى. تەك بىرەۋىندە عانا قارسىلاسىمەن تەڭ ءتۇستى.

«WBC World Champion» (ورتا سالماق)، WBA Super World Champion (ورتا سالماق)، IBF World Champion «ورتا سالماق)، IBO World Champion (ورتا سالماق) اتاقتارىنىڭ يەگەرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى