بيىل قازاقستاندا جەلىدەگى ەڭ كوپ ىزدەلگەن تاقىرىپتار

«ياندەكس ساراپشىلارى ىزدەۋ ناتيجەسىنە زەرتتەۋ جۇرگىزىپ، بيىل قازاقستاندىقتاردىڭ قىزىعۋشىلىعىن تۋدىرعان وقيعالاردى، ادامدار مەن دۇنيەلەردى انىقتادى. قازاقستاندا ەڭ كوپ ىزدەلگەن وقيعالار: نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى، قايرات نۇرتاستىڭ «ارمان» ءفيلمىنىڭ پرەمەراسى، ق ر سالىق كودەكسىندەگى وزگەرىستەر، لاتىن گرافيكاسىنا كوشۋ، 2018 -جىلى قازاقستاندا زەينەتاقىنىڭ يندەكستەلۋى»، - دەلىنگەن ياندەكس باسپا ءسوز قىزمەتىنىڭ حابارلاماسىندا.

قازاقستاندىق قولدانۋشىلاردىڭ قىزىعۋشىلىعىن تۋدىرعان حالىقارالىق 6 وقيعانىڭ ىشىندە - «تاقتار ويىنى» تەلەحيكاسىنىڭ 7-ماۋسىمى، ميانماداعى مۇسىلمانداردىڭ جاعداي، جاڭا iPhone X جانە سانكت- پەتەربۋرگتەگى تەراكتى بار.

سونداي-اق، قازاقستاندىقتار حوككەيدەن الەم چەمپيوناتى، الماتىداعى قىسقى ۋنيۆەرسيادا، گولوۆكين مەن دجەيكوبستىڭ جەكپە-جەگى، كونفەدەراتسيالار كۋبوگى، فلويد مەيۆەزەر مەن كونور ماكگرەگوردىڭ ايقاسى تۋرالى مالىمەتتەردى كوپ ىزدەگەن.

2017 -جىلى جەلى قولدانۋشىلارىنىڭ اراسىندا تانىمال بولعان تۇلعالار: ديماش قۇدايبەرگەن، قايرات نۇرتاس، قانات يسلام، گەننادي گولوۆكين، دميتري ماريانوۆ، ديانا شۋرىگينا، ۆەرا گلاگوليەۆا، ماريا ماكساكوۆا، ستەللا بارانوۆسكايا، يلونا نوۆوسەلوۆا.

ەڭ كوپ ىزدەلىنگەن فيلمدەر مەن مۋلتفيلمدەر اراسىندا «فورساج 8»، «كاريب تەڭىزىنىڭ قاراقشىلارى: ولگەن ادامدار ەرتەگى ايتپايدى»، «ول»، «گالاكتيكا ساقشىلارى. 2- ءبولىم»، «كولىكتەر 3» بار.

سپيننەر مەن كريپتوۆاليۋتا 2017 -جىلدىڭ وقيعاسى سانالدى.

ياندەكس جىل سايىن ءبىرىنشى قاڭتاردان قاراشانىڭ سوڭىنا دەيىنگى ارالىقتا ىزدەلىنگەن نەگىزگى تاقىرىپتاردى انىقتايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى