حالىقارالىق «رۋح» ادەبي بايقاۋىنىڭ جۇلدەگەرلەرى انىقتالدى - فوتو
كونكۋرس ق ر پرەزيدەنتى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا كوتەرىلگەن ماسەلەلەردى جۇزەگە اسىرۋعا اتسالىسۋ، قازاق ادەبيەتىن الەمدىك دەڭگەيدە ناسيحاتتاۋ مەن قازاقستاندىق جانە شەتەلدىك قالامگەرلەر اراسىندا ءوزارا بايلانىس ورناتۋدى كوزدەيدى.
تۇڭعىش رەت ۇيىمداستىرىلعان بايقاۋ 8 نوميناتسيا بويىنشا جۇرگىزىلدى جانە وعان قازاقستان مەن كوپتەگەن شەتەلدەن قازاق، ورىس، اعىلشىن تىلدەرىندەگى الۋان ءتۇرلى جانرداعى 1000-نان استام تۋىندى كەلىپ تۇسكەن جانە ونىڭ 899 ى بايقاۋ تالاپتارىنا ساي كەلىپ، «ادەبيەت» پورتالىنا جاريالانعان.
بايقاۋدىڭ «پروزا: رومان، پوۆەست» نوميناتسياسى بويىنشا 1-ورىن ديپلومىن، ارنايى كادەسىي جانە 1 ميلليون تەڭگە سىياقىنى «جىلقى اتىلعان جاز» رومانى ءۇشىن ىرىسبەك دابەي يەلەنسە، باس جۇلدە مەن 2 ميلليون تەڭگە اقشالاي قاراجات «رۋحتار جەردەن كەتەدى» رومانى ءۇشىن تىنىمباي نۇرماعامبەتوۆكە بەرىلدى.
«پروزا: اڭگىمە، ەسسە» نوميناتسياسىنداعى 1-ورىندى «داياعاششى» ەسسەسى ءۇشىن ۇلاربەك نۇرعالىم، باس جۇلدەنى - «تاعدىر» اڭگىمەسىنىڭ اۆتورى نەسىپبەك ءداۋتاي ۇلى جەڭىپ الدى.
«پوەزيا: پوەما» نوميناتسياسىنداعى 1-ورىن «جاڭعىرۋ جىرى» پوەماسى ءۇشىن نەسىپبەك ايت ۇلىنا، گران-پري - «رۋح جىرى» تۋىندىسى ءۇشىن باقىت بەدەلحان ۇلىنا تابىس ەتىلدى.
«پوەزيا: توپتاما ولەڭدەر» ساناتىندا 1-ورىنعا «رۋباي» ولەڭدەر توپتاماسى ءۇشىن تاتارستاندىق راۋزا حۋزاحمەتوۆا لايىق دەپ تانىلدى. باس جۇلدە - «قۇدايعا قارايتىنداي قاسقايىپ...» اتتى ولەڭدەر توپتاماسى ءۇشىن ىقىلاس وجاي ۇلىنا بەرىلدى.
«ۇزدىك دراماتۋرگيا» نوميناتسياسىندا 1-ورىندى «مەن، مەن ەشكىم دە ەمەسپىن» پەساسى ءۇشىن ارداق نۇرعازى جەڭىپ الدى. باس جۇلدە - «قازاقشا اشىلىپ سايراۋ» پەساسى ءۇشىن سەرىك اسىلبەكوۆكە تابىستالدى.
«ۇزدىك ادەبي سىن» 1-ورىن ديپلومىمەن «ماركەستىڭ قارا قولعابى» ماقالاسى ءۇشىن جاس سىنشى بەكزات سماديار ماراپاتتالدى. ال باس جۇلدە مەن 2 ميلليون تەڭگە سىياقى «تۇراقسىز الەمنىڭ سۋرەتكەرى» ءۇشىن امانگەلدى كەڭشىلىك ۇلىنا بۇيىردى.
«پوەزيا (بالالارعا ارنالعان ولەڭدەر)» بويىنشا 1-ورىندى «بالاپانىم، اۋزىڭدى اش» ولەڭدەر توپتاماسى ءۇشىن قۇل-كەرىم ەلەمەس يەلەنسە، «قاسيەتتى قازاقستان» توپتاماسىنىڭ اۆتورى سەرىكبول حاسان باس جۇلدەنى جەڭىپ الدى.
سوڭعى «پروزا (بالالارعا ارنالعان پروزالىق شىعارمالار)» ساناتى بويىنشا 1-ورىن مەن 1 ميلليون تەڭگە «زوۆ سولنسا» شىعارماسى ءۇشىن الماتىلىق ليليا كالاۋسقا، باس جۇلدە مەن 2 ميلليون تەڭگە سىياقى - «قۇربى قىزدار قۇپياسى» رومان-فەنتەزيى ءۇشىن ايسۇلۋ الماشقا بەرىلدى.
