استانادا تۇڭعىش رەت قىسقى مارافون وتەدى

جارىستىڭ ۇيىمداستىرىلۋىنا «ماrat#on»  مارافون كلۋبىنىڭ قۇرمەتتى مۇشەسى، اتاقتى قازاقستاندىق مارافونشى مارات جىلانبايەۆ، استانا قالاسىنىڭ اكىمدىگىنىڭ بۇقارالىق سپورت ءىس-شارالارىن وتكىزۋ جونىندەگى ديرەكتسياسىنىڭ جەتەكشىسى ازامات يماشەۆ، ق ر جەڭىل اتلەتيكا فەدەراتسياسى مۇرىندىق بولىپ وتىر.

«ءوزىم دە بىرنەشە قىسقى مارافونعا قاتىسقانمىن. اتاپ ايتقاندا، كانادادا، ت م د ەلدەرى ىشىنە ر ف سانكت- پەتەربۋرگتە ءداستۇرلى تۇردە «ءومىر جولى» قىسقى مارافونى ءوتىپ تۇرادى.

قازاقستاندا نەلىكتەن وتپەدى دەسەڭىز، سەبەبى، ەلوردامىز الەم ەلدەرى ىشىندە ۇلانباتىردان كەيىنگى ەڭ سۋىق استانا بولىپ تابىلادى.

ءبىراق، مەن دە، شاكىرتتەرىم دە مۇندا تۇرعان قيىن ەشتەڭە جوق دەپ بىلەمىز. ءبىز 300 عانا جەلاياقتى قاتىستىرۋدى ويلاپ وتىرمىز. سەبەبى، تەك دايىندالعاندار كەلەدى. مارافوندا سونىمەن بىرگە، بيلىكتەگى بەلگىلى ادامدار بولادى»، - دەيدى مارات جىلانبايەۆ و ك ق- دا وتكەن باسپا ءسوز ءماسليحاتىندا.

جارىستى ءۇش قاشىقتىقتا وتكىزۋ جوسپارلانىپ وتىر. ناقتىراق ايتقاندا، قاتىسۋشىلار كلاسسيكالىق مارافوندا 42 شاقىرىم، جارتىلاي مارافون 21 جانە 10 شاقىرىمدا جۇگىرەدى. مارافونعا قاتىسۋعا نيەت بىلدىرگەندەر marathonclub.kz سايتىندا 12-20- جەلتوقسان ارالىعىندا تىركەلۋى كەرەك. جەڭىمپازدارعا كۋبوكتەر مەن باعالى جۇلدەلەر تابىستالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى