ۇلتتىق بانك ءتوراعاسى تەڭگەنىڭ نىعايۋىن ءتۇسىندىردى

«ۆاليۋتا نارىعىنداعى جاعداي تۇراقتى. ورتا مەرزىمدە تەڭگە باعامىن انىقتايتىن فۋندامەنتالدى فاكتورلار جاقسى قالىپتاسۋدا. 11 ايدا تەڭگە نومينالدى ماندە 0,6 پايىزعا نىعايدى»، - دەدى ول ۇكىمەت وتىرىسىندا

ونىڭ سوزىنە قاراعاندا، ۇلتتىق بانكتىڭ التىن-ۆاليۋتا رەزەرۆتەرى الدىن الا دەرەكتەر بويىنشا 11 ايدا 6,4 پايىزعا ءوستى جانە ول 31,4 ميلليارد دوللارعا جەتتى.

ۇلتتىق قوردىڭ شەتەل ۆاليۋتاسىنداعى اكتيۆتەرى 57 ميلليارد دوللار بولدى. جالپى حالىقارالىق رەزەرۆتەر 88,4 ميلليارد دوللارعا جەتتى. دەپوزيتتەر كولەمى قازان ايىنىڭ سوڭىندا 18 تريلليون تەڭگە بولدى.

«شەتەل ۆاليۋتاسىنداعى سالىمدار 10 پايىزعا قىسقاردى، تەڭگەدەگى سالىمدار 11 پايىزعا ۇلعايدى. ناتيجەسىندە، شەتەل ۆاليۋتاسىنداعى سالىمدار 2016-جىلعى 70 پايىزدان 49,4 پايىزعا دەيىن تومەندەدى.

بەلگىلى بولعانداي، بانكتەردىڭ نەسيەلىك بەلسەندىلىگىن جانداندىرۋ جالعاسۋدا. قاڭتار-قازاندا بانكتەردىڭ ەكونوميكاعا نەسيەلەرىنىڭ كولەمى 3,2 پايىزعا، ياعني 13,1 تريلليون تەڭگەگە دەيىن ۇلعايدى. تەڭگەمەن نەسيەلەر 9,5 تريلليون تەڭگە دەيىن ءوستى. شەتەل ۆاليۋتاسىمەن نەسيەلەر 13,4 پايىزعا قىسقاردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى