حالىقارالىق «قازاقپارات» اگەنتتىگى ارگەنتينانىڭ ءىرى اقپارات اگەنتتىگىمەن ىنتىماقتاستىق مەموراندۋمىنا قول قويدى
قۇجاتقا قازاقستان تاراپىنان قازاقستاننىڭ برازيلياداعى ەلشىسى جانە ارگەنتيناداعى ەلشى قىزمەتىن قوسا اتقارۋشى قايرات سارجانوۆ، ارگەنتينا تاراپىنان Telam ۇلتتىق اقپارات اگەنتتىگىنىڭ پرەزيدەنتى رودولفو پوۋسا قول قويدى.
راسىمدە قازاقستان ەلشىسى جەتەكشى Telam اقپارات اگەنتتىگى قازاقستاندىق جەتەكشى ب ا ق وكىلدەرىنىڭ بىرىمەن ىنتىماقتاستىق ورناتقان لاتىن امەريكاسىنداعى العاشقى اقپارات قۇرالدارىنىڭ ءبىرى ەكەنىن اتاپ ءوتتى.
«وسى مەموراندۋمنىڭ ارقاسىندا ەلدەرىمىز ب ا ق- تارىنىڭ اراسىندا ەكىجاقتى قازاقستان- ارگەنتينا ارىپتەستىگىن دامىتۋعا ۇزاق ۋاقىت قىزمەت ەتەتىن تابىستى ىنتىماقتاستىق ورناتامىز دەپ ۇمىتتەنەمىن»، - دەدى قازاقستاندىق ديپلومات.
قايرات سارجانوۆ قازاقپارات پەن Telam اراسىنداعى ءوزارا ىقپالداستىق قوعامدىق سانانى جاڭعىرتۋ باعدارلاماسى اياسىندا قازاقستان مادەنيەتىن ارگەنتينادا بەلسەندى تۇردە ناسيحاتتاۋعا سەپتىگىن تيگىزەتىنىن تىلگە تيەك ەتتى.
ەسكە سالا كەتسەك، ق ر اقپارات جانە كوممۋنيكاتسيالار ءمينيسترى داۋرەن ابايەۆ شىلدە ايىندا ارگەنتينانىڭ بۇقارالىق اقپارات قۇرالدارى جانە قوعامدىق سانا فەدەرالدىق جۇيەسى ءمينيسترى ەرنان لومبارديمەن كەزدەسىپ، تاراپتار ىنتىماقتاستىق تۋرالى كەلىسىم جاساسقان بولاتىن. ۆەدومستۆولار باسشىلارى قول قويعان مەموراندۋم جاڭالىقتار، دەرەكتى فيلمدەر الماسۋ، سونداي- اق بىرلەسە كادرلار دايارلاۋ مۇمكىندىكتەرىن بەرەدى.
