فرانسيا، ءۇندىستان دارىگەرلەرى ميعا وپەراتسيا جاساۋدى قازاقستاننان ۇيرەنەدى

الماتىداعى ورتالىق كلينيكالىق اۋرۋحانادا باستالعان حالىقارالىق سەمينارعا قاتىسقان ءۇندىستان، يزرايل مەن فرانسيانىڭ نەيروحيرۋرگتەرى قازاقستاندىق مامانداردان مي قان تامىرى مالفورماتسياسىن ەمدەۋ جولدارىن ۇيرەنبەك.

ەلىمىزدە انيەۆريزما مەن مالفورماتسيا دەرتىن ەمدەۋ وپەراتسياسى 2008 -جىلدان بەرى جاسالادى. ياعني بۇل باس، مي قانتامىرلارىنىڭ بىرىگىپ كەتۋ سالدارىنان تۋىندايتىن اۋرۋ. ول نەگىزىنەن تۇقىم قۋالايتىن دەرت. توعىز جىلدا ەل دارىگەرلەرى بۇل كەسەلدى ەمدەۋ مەن وپەراتسيا جاساۋدا ايتارلىقتاي ناتيجەگە قول جەتكىزدى. ولاردىڭ تاجىريبەسىن مەديتسيناسى دامىعان فرانسيا مەن ءۇندىستان ەلدەرىنىڭ ماماندارى جوعارى باعالادى.

جيجي ۆاركەي، دارىگەر- نيەۆرولوگ /ءۇندىستان/:

- ءبىز ينديادا ءدال وسىنداي كۇردەلى وپەراتسيا جاساعان جوقپىز. سوندىقتان سىزدەردىڭ دارىگەرلەردەن ۇيرەنۋگە كەلدىك. بۇرىن مۇنداي كۇردەلى وپەراتسيالار باس سۇيەك قۇيقاسىن ءتىلۋ ارقىلى جاسالاتىن. ال قازىر ارنايى مەديتسينالىق قۇرالداردىڭ كومەگىمەن ىسكە اسادى. قان تامىرىنىڭ زاقىمدانعان تۇسى انىقتالىپ، قان تۇيىرشىگى جينالعان جەرى تازارتىلىپ، ەمدەلەدى.

«دەر كەزىندە جاسالعان وپەراتسيا ناۋقاستى ينسۋلت الۋدان ساقتاپ، ءومىر جاسىن ارتتىرۋعا ىقپال ەتەدى» دەيدى دارىگەرلەر.

ماقسات مۇسابەكوۆ، دارىگەر- نەيروحيرۋرگ:

 - ارتەروۆەنوزدى مالفورماتسيا دەرتىمەن 60-70 وپەراتسيا جاسالىنادى. ودان دا باسقا باس، مي تامىرى انيەۆريزماسى دەگەن دەرتتەر بار. ولار بويىنشا ءبىزدىڭ كلينيكادا 150-200-گە جۋىق وپەراتسيا جاسالىنادى. الماتىداعى ورتالىق كلينيكالىق اۋرۋحانادا كەپىلدەندىرىلگەن مەملەكەتتىك تەگىن مەديتسينالىق كومەك اياسىندا جىلىنا وسىنداي 300-دەن استام وپەراتسيا جاسالادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى