ءجۇرسىن ەرمان ايتىسقا راديكالدى ءدىني توپتاردان قاۋىپ ءتونىپ وتىرعانىن ايتتى

ءجۇرسىن ەرماننىڭ ايتۋىنشا، پرەزيدەنت نۇرسۇلتان نازاربايەۆتىڭ ءوزى رۇقساتىن بەرىپ وتىرعان ايتىس بيىل وتپەيتىن بولىپتى.

سەبەبى، ماڭىزدى شارانى وتكىزۋ «راديكالدىق ءدىني اعىمداردىڭ مۇشەسى» دەلىنەتىن اقىندارعا جۇكتەلگەن. جوعارىداعى باسشىلىق حالىقارالىق ايتىسكەر اقىندار مەن جىرشى-تەرمەشىلەر وداعىن بۇل جاۋاپكەرشىلىكتەن شەتتەپ وتىر. ال اقىندار بولسا، وداق بولماسا قاتىسپايمىز دەپ، «التىن دومبىرادان» باس تارتقان.

ءجۇرسىن ەرمان ءساۋىر ايىندا ەلباسىمەن تىكەلەي جولىعىپ، ايتىستى ءجيى وتكىزىپ تۇرۋ جونىندە تاپسىرماسىن العان. بۇدان بولەك، 15-جەلتوقساندا «تاۋەلسىزدىككە تارتۋ» دەگەن اتپەن ۇيىمداستىرىلعالى وتىرعان ايتىسقا دا اكىمدىك شەكتەۋ قويىپتى.

- پرەزيدەنت ءتول ونەردى دامىتىپ، جەر- جەرلەردە ايتىس وتكىزۋدى، سوڭىنان قورىتىندى ايتىس ۇيىمداستىرۋدى تاپسىرعان بولاتىن. دەگەنمەن ەل تىزگىنىن ۇستاعاندار پاتشانىڭ بۇل تاپسىرماسىن بىلە تۇرا، ايتىستىڭ جولىن كەس-كەستەۋدەن تايماي وتىر، - دەيدى ايتىس جاناشىرى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى