استانانى قاردان تازارتۋمەن مىڭنان استام تەحنيكا اينالىسۋدا

قالانى قاردان تازالاۋعا 1076 تەحنيكا مەن 2212 جول تازالاۋشىسى اينالىسۋدا. وتكەن تاۋلىك ىشىندە عانا قالا سىرتىنا 42 مىڭ تەكشە مەتر قار شىعارىلدى. تازالاۋ جۇمىستارى قولايسىزدىق تۋدىرماس ءۇشىن نەگىزگى جۇمىستار تۇنگى ۋاقىتتا جۇرگىزىلۋدە.

«بريگادا ءوز جۇمىسىن كەپتەلىس تارقاعان كەزدە، كەشكى ساعات 8 دە باستايدى. ارينە، كۇندىز دە جۇمىس ىستەيمىز، ءبىراق تۇرعىندارعا كەدەرگى كەلتىرمەۋگە تىرىسامىز»، - دەدى «استانا- تازالىق» ج ش س ديرەكتورى بورانباي بولاتبەكوۆ.

سونداي-اق جولدا كوكتايعاقتىڭ الدىن الۋ ءۇشىن قۇم مەن تۇز ارالاسقان قوسپا مەن كوكتايعاققا قارسى رەاگەنت پايدالانىلۋدا. كوشەلەرگە 536 تەكشە مەتر قۇم-تۇز قوسپاسى مەن كوكتايعاققا قارسى 6 تونناعا جۋىق رەاگەنت شاشىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى