سينگاپۋر ساعىنتايەۆتىڭ كەلگەنىن كۇتىپ وتىر - ەلشى ۇسەن سۇلەيمەن

 قازاقستاننىڭ سينگاپۋرداعى توتەنشە جانە وكىلەتتى ەلشىسى ۇسەن سۇلەيمەننىڭ ايتۋىنشا، قازىرگى كەزدە ءوزارا ينۆەستيتسيالاردى قورعاۋعا قاتىستى كەلىسىم دايىن. «ولار اتالعان قۇجاتقا قازىر- اق قول قويۋعا دايار. ءبىراق ءبىزدىڭ پرەمەر- ءمينيسترىمىز ساعىنتايەۆ مىرزا رەسمي ساپارمەن كەلگەنشە كۇتەمىز دەيدى. اتالعان ساپار كەلەسى جىلدىڭ ناۋرىز- ءساۋىر ايلارىنا بەلگىلەنىپ وتىر. قازىرگى كەزدە ءبىز سونىڭ بارلىعىن پىسىقتاپ جاتىرمىز. ۇكىمەت باسشىسى رەسمي ساپارمەن كەلگەندە 30 كۇنگە دەيىن ۆيزاسىز رەجيمدى ەنگىزۋ تۋرالى كەلىسىم دە راسىمدەلەتىن شىعار»، - دەدى ءۇ. سۇلەيمەن بۇگىن استانادا وتكەن باسپا ءسوز ءماسليحاتىندا.

ق ر پرەمەر- ءمينيسترى باقىتجان ساعىنتايەۆتىڭ سينگاپۋرداعى رەسمي ساپارى اياسىندا ۇلكەن بيزنەس- فورۋمدى ۇيىمداستىرۋ جوسپارلانعان. ەلشىنىڭ سوزىنە قاراعاندا، فورۋمنىڭ تاقىرىبى دا دايىن. نەگىزگى ماقسات - ەكى ەلدىڭ ينۆەستيتسيالىق الەۋەتىن بارىنشا كورسەتۋ. «ءبىزدىڭ جاقتان 150-200 كاسىپكەر قاتىساتىن شىعار. ال «سامۇرىق- قازىنا» قورى، «بايتەرەك» حولدينگى، «Kazakh Invest» ۇلتتىق كومپانياسى، «اتامەكەن» پالاتاسى ەلىمىزدە بيزنەس ءۇشىن جاسالىپ جاتقان جاعدايلار جايىندا ايتىپ بەرسە، ارىپتەستىك بايلانىستاردى كۇشەيتۋگە بولاتىن ەدى. ولار دا ەڭ مىقتى دەگەن 200 كومپانيانى الىپ كەلمەكشى. نەگىزگى ماقساتتارى - ناقتى جوبالاردى ىسكە اسىرۋ»، - دەپ اتاپ كورسەتتى ءۇ. سۇلەيمەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى