سينگاپۋردا قازاقستاندىق شوكولاد جاقسى تانىمال - ەلشى سۇلەيمەن

 قازاقستاننىڭ سينگاپۋرداعى توتەنشە جانە وكىلەتتى ەلشىسى ۇسەن سۇلەيمەننىڭ ايتۋىنشا، قازىرگى كەزدە كەلىسسوزدەر ءجۇرىپ جاتىر.

«مەن ءوزىم ەركىن ساۋدا- ساتتىقتىڭ باستالعانىن اسىعا كۇتىپ ءجۇرمىن. سەبەبى قازاقستان مەن سينگاپۋر اراسىنداعى قازىرگى ساۋدا اينالىمى ويداعىداي ەمەس. ال ەۋرازيالىق ەكونوميكالىق وداقپەن ەركىن ساۋدا- ساتتىققا جول اشىلسا، وڭتۇستىك شىعىس ازيادان ينۆەستيتسيالار كوپتەپ كەلە باستايدى. ءبىز دە ءوز تاۋارىمىزدى شىعارا الامىز»، - دەدى ءۇ. سۇلەيمەن استانادا وتكەن باسپا ءسوز ءماسليحاتىندا.

وسى ورايدا ەلشى ۆەتنام مەن ە ا ە و اراسىنداعى ەركىن ساۋدا تۋرالى كەلىسىمنىڭ ناتيجەسىن مىسالعا كەلتىردى. سونىڭ ارقاسىندا قازاقستان اتالعان مەملەكەتكە استىق پەن الكوگول ونىمدەرىن كوپتەپ ەكسپورتتاي باستادى.

«سينگاپۋردا سالىقتىڭ كولەمى ۇلكەن. ال ارنايى كەلىسىمگە قول قويىلسا، ءبىز استىقتى دا، كونديتەرلىك ونىمدەردى دە تاسىمالداي الامىز. ايتپاقشى، ول جاقتا ءبىزدىڭ شوكولادىمىزدى قاتتى ۇناتادى. مەن بارلىق ديپلوماتتارعا تاراتىپ جۇرەمىن. سوندا دا قوڭىراۋ شالىپ، ايەلدەرىنە كوبىرەك اكەلۋدى سۇرايدى»، - دەپ اتاپ كورسەتتى ءۇ. سۇلەيمەن.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى