عالىمدار راك اۋرۋىن بولدىرمايتىن ونىمدەردى انىقتادى

 امەريكادا 1900 -جىلدارى ءاربىر ءجۇز مىڭ ادامنىڭ 64 ءى راكتان قازا تاپسا، سوڭعى جارتى عاسىردا بۇل كورسەتكىش 150 گە جەتىپ وتىر. وسى ۋاقىت ارالىعىندا الەم بويىنشا راكتان الدىن الا ساقتانۋ شارالارى كوپتەپ جۇرگىزىلدى، ونداي اۋرۋلى ادامداردى اۋرۋحانالاردا ەمدەۋ ءىسى كۇشەيتىلدى. دەگەنمەن، راك اۋرۋىنىڭ سالماعى باسقا اۋرۋلارمەن سالىستىرعاندا ءالى دە بولسا باسىم.

راك  - قاتەرلى اۋرۋ، ويتكەنى ول اينالاسىنداعى جاسۋشالارعا، تۇتاس اعزاعا تەز جايىلىپ كەتەدى، قىسقا مەرزىمدە قان تامىرلارى ارقىلى دا تۇقىمىن تاراتىپ، ۇيالايدى، دەنەنى ۋلاندىرىپ، ونىڭ ارقاۋىن ىدىراتادى. ناۋقاستىڭ دارىگەرگە اۋرۋى ابدەن اسقىنعان كەزدە كەلەتىنى - راكتىڭ تەز جايىلۋىن اڭعارماي قالعاندىعى. اسقىنعان راكتان ەمدەپ جازۋ وتە قيىن. تەگىندە راكتى ەمدەپ جازۋدان گورى ودان الدىن الا ساقتانۋ وڭاي. سوڭعى كەزدە راكتان ساقتانۋ جونىندە عىلىم كورنەكتى تابىسقا جەتتى. بريتانيالىق جانە نورۆەگيالىق عالىمدار اسقازان- ىشەك اۋرۋلارىنىڭ، سونىڭ ىشىندە، راك اۋرۋىن بولدىرماۋ ءۇشىن ەڭ پايدالى جەمىستەردى انىقتادى.

 ۇلىبريتانياداعى ۋوريك ۋنيۆەرسيتەتى عالىمدارىنىڭ زەرتتەۋلەرى ناتيجەسىندە انار، قىزىل ءجۇزىم سورتتارى، المۇرت، ساڭىراۋقۇلاق، جاسىمىق، سويا جانە جاسىل بۇرشاق اسقازان- ىشەكتەگى راك اۋرۋلارىنىڭ الدىن الۋ ءۇشىن وتە ءتيىمدى ەكەنى بەلگىلى بولدى. عالىمدار بۇل ازىق- تۇلىكتەردىڭ اۋتوفاگياعا (ءوز زياندى كومپونەنتتەرىنىڭ جاسۋشالارىن ءسىڭىرىپ الۋ) بەيمدىگى اسەرىنەن اعزاداعى قابىنۋ پروتسەستەرىنىڭ دامۋىنا جول بەرمەي، راك اۋرۋىنا قارسى وڭ اسەر ەتەتىنىن ايتتى. اۋتوفاگيا دۇرىس جۇمىس ىستەمەسە، اقۋىزدار جينالىپ، قابىنۋدى قوزدىرادى ەكەن.

 Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى