يزرايل پرەمەر- ءمينيسترى ەۋروپا ەلدەرىن ايىپتادى

ول اق ءۇي باسشىسى دونالد ترامپ يەرۋساليمدى يزرايل استاناسى دەپ مويىنداعالى بەرى ەۋروپا ەلدەرىنە العاش رەت بارا جاتىر. بۇل ساپاردا نەتانياحۋ فرانسيا پرەزيدەنتى ەممانۋەل ماكرونمەن كەزدەسەدى. ودان كەيىن بريۋسسەلدە ەۋروپا ەلدەرىنىڭ سىرتقى ىستەر مينيسترلەرىنىڭ باسقوسۋىنا قاتىسادى.

 بينيامين نەتانياحۋ، يزرايل پرەمەر- ءمينيسترى:

 - ەۋروپا ەلدەرىنە ەرەكشە قۇرمەتپەن قارايمىن. الايدا ولاردىڭ ەكىجاقتى ساياسات ۇستانعانىن تۇسىنبەدىم. ولار پرەزيدەنت ترامپتىڭ تاريحي مالىمدەمەسىن سىنعا الىپ جاتىر. ال يزرايلگە اتىلىپ جاتقان زىمىراندار تۋرالى اۋىز اشپادى. سوندىقتان مەن وسى ماڭىزدى فورۋمدا شىندىقتى جايىپ سالامىن.

 ايتا كەتەيىك، جۇما كۇنى پالەستينا اۋماعىنان يزرايلگە ءۇش زىمىران اتىلدى. تەل- اۆيۆتەگىلەردىڭ ايتۋىنشا، ولاردىڭ ءبىرى سەدورت قالاسىنداعى بالاباقشاعا تۇسكەن. الايدا ادام شىعىنى تۋرالى دەرەك جوق. جاۋاپ رەتىندە يزرايل اسكەريلەرى گازا سەكتورىنداعى حاماس قوزعالىسىنىڭ اسكەري نىساندارىنا اۋەدەن سوققى جاسادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى