يلين كولىك پەن پاتەر تۋرالى: مەملەكەت بەرگەنىن «قايتار» دەسە ءبارىن قايتارامىن
«ءبىز ءوزىمىزدى الاياق دەپ ەسەپتەمەيمىز. سەبەبى، ءبىز كوپ جۇمىس ىستەيمىز. تاۋلىگىنە تولاعاي ەڭبەك ەتىپ، كۇنىنە 30 تونناعا دەيىن كوتەرەمىز. «الاياقتار» دەپ باسقا فورماتتاعى ادامداردى ايتادى. ءبىز وليمپيادا ويىندارىن جەڭىپ، مىقتىلىعىمىزدى دالەلدەگەن كەزدە ادامدار جاپپاي قۋانعان بولاتىن. مەنىڭشە، ادامدار الاياقتاردىڭ ىسىنە بۇلاي قۋانبايدى؟ مەنىڭ ايتارىم وسى. ءبىز 9-10 جىل بويى ءوزىمىزدى كوپتەگەن دۇنيەدەن شەكتەپ كەلىپ، ەڭبەكتەندىك. ءبىز وتباسىمىزبەن بىرگە ءومىر سۇرمەدىك. جاس كەزىمىزدەن سپارتاندىقتارعا ۇقساپ جۇردىك»، - دەيدى سپورتشى و ك ق- دا وتكەن باسپا ءسوز ءماسليحاتىندا.
يليا يلين سونىمەن بىرگە، ءوز سوزىندە اقشادان دا بيىك قۇندىلىقتار بارىن ايتادى.
«اقشا تۋرالى ايتار بولسام... ءبىز اقشا ءۇشىن جۇمىس ىستەمەيمىز. بىزگە نە بەردى - الدىق. البەتتە، جىگەرلەندىرەدى. ءبىراق، ماقسات - ودان دا بيىك. وسىنداي سۇراق قويعان كەزدە مەن كەيدە قاتتى تاڭ قالامىن. بىزبەن بىرگە بار-جوعى ءبىر اپتا زالدا ءومىر سۇرسەڭىزدەر، تاڭەرتەڭنەن كەشكە دەيىن بىزبەن جۇمىس اتقارساڭىز، بارىنە كوز جەتكىزەر ەدىڭىزدەر. ءبىز بارىنشا ادال بولدىق. ەل ابىرويى ءۇشىن ەڭبەك ەتتىك. قيىن جاعدايعا تاپ بولدىق. ءبىراق، وزدەرىڭىز الەمدەگى احۋالدى دا بىلەسىزدەر. ماعان عانا قاتىستى ەمەس، بۇكىل ەل بولىپ وسىنداي قيىندىقتى باسىنان وتكىزىپ جاتقان مەملەكەتتەر بار. بۇل جالپى سپورتتىڭ ماسەلەسى. سوندىقتان، ءبىزدى الاياق دەپ اتاۋ دۇرىس ەمەس دەگەن ويدامىن»، - دەيدى ول.
سپورتشى سونداي-اق، سپورتشىلار كوبىنەسە ءوز جاعدايىن ەمەس، ەل ابىرويىن ويلايتىنىن جەتكىزدى.
«ومىرتقا مەن جۇرەككە كەلگەن زاقىم... ءبىز ونىڭ بارلىعى تۋرالى ايتپايمىز عوي. كەلەشەكتە كاسىبي سپورتشى بولعاندىقتان، جۇرەگىم اۋىرۋى دا مۇمكىن. ءبىراق، ونى دەنساۋلىعىمىزدى اقشاعا ساتىپ المايمىز. كولىك، پاتەر... مەملەكەت بىزگە نە بەردى - سونى الدىق. ەگەر مەملەكەت ونىڭ ءبارىن قايتار دەسە - قايتارامىن!»، - دەيدى يليا يلين.
