الماتىدا ەرتەڭ ەسكەرتۋ دابىلى قاعىلادى
بۇل تابيعات اپاتى بولعان جاعدايدا قالا حالقىن حابارلاندىرۋ جانە قاۋىپسىز جەرگە كوشىرۋگە باسقارۋ ورگاندارىن، ازاماتتىق قورعانىس وكىلدىكتەرىن جۇمىلدىرۋ ماقساتىندا جۇرگىزىلىپ وتىر.
پراكتيكالىق ءىس-شارا بوستاندىق اۋدانىنداعى №93 -مەكتەپتە وتەدى.
مەكتەپ ىشىندە ەۆاكۋاسيالىق پۋنكت اشىلىپ، قالالىق ت ج د جىلجىمالى نۇكتەسى ورنالاسادى. مۇندا كوشىرىلگەن حالىقتى تىركەۋ، الماتى وبلىسىنىڭ ءقاۋىپسىز جەرلەرىنە جىبەرۋ شارالارى وتكىزىلەدى.
سونىمەن قاتار، الماتى-2 تەمىر جول ۆوكزالىندا دەپارتامەنت قىزمەتكەرلەرى جينالعان حالىقتى جامبىل، قاراعاندى وبلىسىنا جىبەرەدى.
ايتا كەتۋ كەرەك، بىلتىردان بەرى الماتىدا ءار ايدىڭ العاشقى بەيسەنبىسىندە 12:55-تە توتەنشە جاعدايلار تۋرالى دايىندىق دابىلى قاعىلادى. بۇل دابىل جۇيەلەرىنىڭ جۇمىسىن تەكسەرۋگە باعىتتالعان.
وسى ۋاقىت ارالىعىندا راديو تولقىنى مەن تەلەارنالاردىڭ ەكرانىنان ەفير ءۇزىلىپ، دابىل جۇيەلەرىنىڭ جۇمىسىن تەكسەرۋ تۋرالى حابارلاما تاراتىلادى.
