يليا يلين دوپينگ داۋى تۋرالى: نە بولىپ جاتقانىن ءوزىم تۇسىنەر ەمەسپىن

«ستانوزولول تۋرالى... مەن نە بولىپ جاتقانىن ءوزىم دە تۇسىنەر ەمەسپىن. رەسمي نۇسقا بويىنشا(...) ءبىز ءارتۇرلى سپورتتىق تاعامداردى قابىلدايمىز. بالكىم، ماسەلەنىڭ ءبارى وسىندا بولار. كوپ ۋاقىت ءوتتى. سۇراقتار وتە كوپ. جاۋابىن بىلسەم، قۋانا-قۋانا جاۋاپ بەرەر ەدىم. ءبىراق، جاۋاپ بەرە المايمىن»، - دەدى يليا يلين و ك ق- دا وتكەن باسپا ءسوز ءماسليحاتىندا.

سونداي-اق، سپورتشى «الەكسەي ني ءبىلىپ، ال ءسىز ستانوزولولدى قابىلداپ جۇرگەنىڭىزدى بىلمەۋىڭىز مۇمكىن بە ەدى» دەگەن سۇراققا جاۋاپ بەردى.

«جوق. مەن ستانوزولول تۋرالى بىرەۋ ءبىلدى نەمەسە ەكىنشى ادام بىلمەدى دەپ ايتا المايمىن. وكىنىشكە قاراي، ءبارى وسىلاي اينالدى. ەكى جىلعا شەتتەتىلدىم. دەمەك، بىردەڭە بولدى. تاپتى. ەندى نە ىستەي الاسىڭ. العا جىلجۋ كەرەك»، - دەيدى يليا يلين.

ەسكە سالا كەتسەك، حالىقارالىق وليمپيادا كوميتەتى ەكى دۇركىن وليمپيادا چەمپيونى، قازاقستاندىق اۋىر اتلەت يليا يليندى بەيجىڭدەگى جانە لوندونداعى التىن مەدالدارىنان ايىرۋ تۋرالى شەشىم شىعارعان بولاتىن. ح و ك- تىڭ ءتارتىپ كوميسسياسىنىڭ شەشىمىنە سايكەس «ا» جانە «ۆ» دوپينگ سىناماسىنىڭ قورىتىندىسى بويىنشا ەكى جازعى وليميادا ويىندارىندا چەمپيون اتانعان قازاقستاندىق سپورتشى يليا يليننىڭ بۇعان دەيىنگى كورسەتكىشتەرى جويىلعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى