ەكپە سالۋدان باس تارتقاندار قاجىلىققا بارا المايدى - دەنساۋلىق مينيسترلىگى
ق ر دەنساۋلىق ساقتاۋ مينيسترلىگىنىڭ مالىمەتىنە سايكەس، ۆاكتسيناتسيادان باس تارتاتىنداردىڭ جارتىسى ءدىني ۇستانىمنىڭ سەبەپ بولعانىن اشىق ايتسا، قالعانى «جەكە شەشىمىم» دەپ، قۇتىلا سالادى.
«الايدا «جەكە پىكىردى» ۇستاناتىنداردىڭ كوبىسى سول ءدىني كوزقاراسقا بايلانىستى ۆاكتسيناتسيادان باس تارتىپ جاتادى. نەگىزى، مۇسىلمان ەلدەرىندە دە ۆاكتسيناتسيانى تالاپ ەتەدى. ماسەلەن، بۇگىندە مەككەگە قاجىلىققا باراتىنداردان ۆاكتسيناتسيا تۋرالى انىقتامانى سۇرايدى. ساۋد ارابياسىنىڭ بيىلىگى كەم دەگەندە ەكى ينفەكتسيا - پنيەۆموكوكك پەن مەنينگوكوككتارعا قارسى ۆاكتسينانىڭ بولعانىن تالاپ ەتەدى»، - دەدى قوعامدىق دەنساۋلىقتى ساقتاۋ كوميتەتى ءتوراعاسىنىڭ ورىنباسارى بەرىك ءشارىپ جۋرناليستەرگە بەرگەن سۇحباتىندا.
ونىڭ ايتۋىنشا، حالىق اراسىندا ۆاكتسيناتسياعا قاتىستى ءتۇسىندىرۋ جۇمىستارى ۇنەمى جۇرگىزىلىپ تۇرادى. سونىڭ ارقاسىندا 12 مىڭ ادامنىڭ ىشىندە 1500 ادام ءوز شەشىمىن وزگەرتىپ ۆاكتسيناتسيادان ءوتتى.
