اينۇر تۇرسىنبايەۆادان جەڭىلگەن اقىن ءوزىن سىناعان تورەعاليعا جاۋاپ بەردى
كوپ ۋاقىت وتپەستەن ديدار پاراقشاسىندا تورەعاليعا جاۋاپ قايتاردى.
«مەن دە تۇسىنە العام جوق ءىسىن جاننىڭ،
جىل تاڭداۋى ورداسى ەمەس تۇشىمدى ءاننىڭ.
جالاڭاش، سىرعا تاققان سايقىمازاق،
انشىلەردى كورگەندە ۇشىنعانمىن.
اقىنداردىڭ رەيتينگىن جاريالادى،
بىلمەيمىن اتىمىزدى ۇسىنعان كىم؟!
16 مىڭ جان ماعان داۋىس بەرىپ،
قۇسىمدى ەلدەن بيىك ۇشىرعانمىن.
«ارتىنان جابىق داۋىس وتەدى» دەپ،
ايتقاندا كىم جەڭەرىن ءتۇسىندى اركىم.
بارماي-اق قويار ەدىم، داۋىس بەرگەن،
جانداردى ويلاپ شارۋامدى ىسىرعانمىن.
ءبىز ساعان سەنىم ارتتىق، ال سەن نەگە،
بارمادىڭ دەپ ايتار دەپ قىسىلعانمىن.
15 مىڭنىڭ تەمىرى ءۇشىن ەمەس،
16 مىڭنىڭ كوڭىلى ءۇشىن باردىم!»، - دەپ جازعان ديدار.
ديداردىڭ وقىرماندارى جابىق داۋىس بەرۋدىڭ ءادىل وتپەگەنىن ايتىپ، باستىسى حالىقتىڭ باعاسىن الۋ ەكەنىن جازدى.
«ءبىز ءۇشىن ديدار جەڭدى!»، «ارينە، تۇرسىنبايەۆا انشىلەردىڭ جانىنان شىقپايدى. ول الماي كىم الادى؟»، «تەلەارنا مەن شوۋ-تويلاردا توقالداردىڭ جولى بولىپ تۇر، جۇرگىزۋشىلەردە سولار، داۋىسى جوق اقىن ءانشى جۋرناليست تە سولار»، ديدار، باستىسى حالىقتىڭ تاڭداۋى. ءسىز ءبىز ءۇشىن ەڭ مىقتى اقىنسىز»، - دەپ جازدى جەلىدەگىلەر.
ەسكە سالساق، تورەعالي تورەالى «جىل تاڭداۋىنا» قاتىسۋدان باس تارتقان بولاتىن. ۇلتتىق مۋىزكالىق جۇلدە اياقتالعاننان كەيىن، ول پاراقشاسىندا بۇل شارانىڭ ادىلەتسىز وتكەنىن مەڭزەگەن.
