الماتىدا «استانا - ارداعىم» سىيلىعىنىڭ يەگەرلەرى انىقتالدى - فوتو
«استانا - ارداعىم» سىيلىعى ەلوردانىڭ استاناعا كوشىرىلۋىنە 20 جىل تولۋىنا وراي تۇڭعىش رەت تاپسىرىلىپ وتىر.
ول استانانىڭ قالىپتاسۋىنا ايتارلىقتاي ۇلەس قوسقان، پرەزيدەنتتىڭ استانانى كوشىرۋ تۋرالى شەشىمىنە بارىنشا قولداۋ كورسەتكەن قايراتكەرلەردىڭ، الماتى قالاسى تۋمالارىنىڭ ەڭبەگىن ەسكەرۋگە باعىتتالعان.
نومينانتتاردى ىرىكتەۋ كونكۋرستىق كوميسسيانىڭ سايتىندا اشىق داۋىس بەرۋ ارقىلى جۇزەگە استى.
«استانا - ارداعىم» سىيلىعى 12 سانات بويىنشا 20 ادامعا تاپسىرىلدى. اتاپ ايتقانداي، ولار - ءبىلىم مەن عىلىم، ساۋلەت پەن قۇرىلىس، دەنساۋلىق ساقتاۋ، سپورت، ونەر، كينەماتوگرافيا، جۋرناليستيكا جانە ادەبيەت سالالارى.
1. عىلىم-ءبىلىم سالاسىندا استانانىڭ دامۋىنا قوسقان ۇلەسى ءۇشىن - ق ر ورتالىق مەملەكەتتىك مۋزەيىنىڭ ديرەكتورى نۇرسان ءالىمباي؛
2. دەنساۋلىق ساقتاۋ سالاسىندا استانانىڭ دامۋىنا قوسقان ۇلەسى ءۇشىن - 1№ قالالىق پەرزەنتحانانىڭ باس دارىگەرى راقىشەۆ ناۋرىزباي؛
3. سپورت سالاسىنداعى استانانىڭ دامۋىنا قوسقان ۇلەسى ءۇشىن - بۇرىنعى تۋريزم جانە سپورت ءمينيسترى تەمىرحان دوسمۇحامبەتوۆ؛
4. ءبىلىم بەرۋ سالاسىندا استانانىڭ دامۋىنا قوسقان ۇلەسى ءۇشىن - عالىم، جازۋشى مىرزاتاي جولداسبەكوۆ؛
5. ادەبيەت سالاسىندا استانانىڭ دامۋىنا قوسقان ۇلەسى ءۇشىن - جازۋشى، جۋرناليست دۋمان رامازان مەن اقىن مارالتاي رايىمبەك ۇلى؛
6. قۇرىلىس سالاسىندا استانانىڭ دامۋىنا قوسقان ۇلەسى ءۇشىن - «بازيس- ا» كورپوراتسياسىنىڭ ديرەكتورى الەكساندر بەلوۆيچ پەن ينجەنەر- قۇرىلىسشى وسمان شاحانوۆ؛
7. ونەر سالاسىندا استانانىڭ دامۋىنا قوسقان ۇلەسى ءۇشىن - ديزاينەر قۇرالاي نۇرقادىلوۆا مەن ءمۇسىنشى بولات دوسجانوۆ، قر كوركەمونەر اكادەمياسىنىڭ پرەزيدەنتى اماندوس اقانايەۆ؛
8. ساۋلەت سالاسىندا استانانىڭ دامۋىنا قوسقان ۇلەسى ءۇشىن - ساۋلەتشى، ق ر ساۋلەتشىلەر اكادەمياسىنىڭ پرەزيدەنتى اقمىرزا رۇستەمبەكوۆ؛
9. يننوۆاتسيا سالاسىندا استانانىڭ دامۋىنا قوسقان ۇلەسى ءۇشىن - دارىگەر-ينفەكتسيونيست قارلىعاش ابديەۆا؛
10. اقپارات سالاسىندا استانانىڭ دامۋىنا قوسقان ۇلەسى ءۇشىن - «ايقىن» گازەتىنىڭ باس رەداكتورى نۇرتورە ءجۇسىپ، فوتوگراف ماكسيم زولوتۋحين، 31-ارنانىڭ باس پروديۋسەرى نۇرجان مۇحامەدجانوۆا؛
11. كينەماتوگرافيا سالاسىنداعى استانانىڭ دامۋىنا قوسقان ۇلەسى ءۇشىن - رەجيسسەر ەرمەك شىناربايەۆ، اكتەر ءادىل احمەتوۆ؛
12. مۋزىكا سالاسىنداعى استانانىڭ دامۋىنا قوسقان ۇلەسى ءۇشىن كومپوزيتور مارات وماروۆ، ءانشى ناعيما ەسقاليەۆالار ماراپاتتالدى.
لاۋرەاتتاردىڭ بارلىعىنا 1 ميلليون تەڭگەدەن اقشالاي سىيلىق بەرىلدى.
«جاسىم 80 گە كەلگەندە ءوسىپ ونگەن، شاپاعاتىنا بولەنگەن، ءتالىمىن العان الماتىدا تالاي قاسيەتتى جيىن بولعان رەسپۋبليكا سارايىندا وسى سالتاناتتى كەشتە كەزدەسىپ جاتقانىمىزعا قۋانىشتىمىن. وسى زالدا ق ر تۇڭعىش پرەزيدەنتىنىڭ تاققا وتىرعان ءراسىمىن وتكىزگەن ەدىك. ول ماعان جۇكتەلگەن ەدى. استانادان ارنايى شاقىرىپ، سىيلىقپەن ماراپاتتاپ وتىرعان الماتى ءماسليحاتىنىڭ دەپۋتاتتارىنا، باۋىرجان ىنىمە العىس ايتامىن»، - دەدى پروفەسسور مىرزاتاي جولداسبەكوۆ.
ەسكە سالساق، كەلەسى جىلى قازاقستان استاناسى ءۇشىن مەرەيلى جىل. الماتىدا استانانىڭ 20 جىلدىعىن مەرەكەلەۋگە ارنالعان ءبىرقاتار اۋقىمدى مادەني شارالار، كونسەرتتەر، فەستيۆالدەر، كورمەلەر وتكىزۋ جوسپارلانعان.
اۆتور: گۇلميرا عوسمانالي
