دارىگەرلەر جۇكتى ايەلدەردى ەكپەدەن باس تارتپاۋعا شاقىردى
وسىعان بايلانىستى شاحتينسك قالاسىنداعى قوعامدىق دەنساۋلىق ساقتاۋ باسقارماسىنىڭ ماماندارى بولاشاق انالارمەن كەزدەستى، دەپ حابارلايدى «قازاقپارات» ح ا ا ءتىلشىسى.
شاحتينسك قالاسىنداعى قوعامدىق دەنساۋلىق ساقتاۋ باسقارماسىنىڭ ماماندارى بولاشاق انالارمەن كەزدەسىپ، ولاردى دەنساۋلىق ءۇشىن ماڭىزى زور ەكپەگە قارسىلىق بىلدىرمەۋگە شاقىردى.
«يممۋنيزاتسيا ماعىناسى» دەپ اتالاتىن دوڭگەلەك ۇستەل بارىسىندا، ماماندار بولاشاق انالارعا ەكپەدەن باس تارتۋدىڭ نەگە اكەلىپ سوعاتىنى جايلى اڭگىمەلەپ بەردى.
«ەكپەدەن باس تارپاۋعا بارىنشا كەڭەس بەرەمىز. بۇل ءسىزدىڭ جانە ءومىر ەسىگىن اشاتىن بالالارىڭىزدىڭ بولاشاعى ءۇشىن قاجەت»، - دەدى شاحتينسك قالاسىنداعى قوعامدىق دەنساۋلىق ساقتاۋ باسقارماسىنىڭ ماماندارى.
دارىگەرلەر ايەلدەرگە ەكپەنىڭ تۇرلەرى مەن ۋاقىتىن، اۋرۋدىڭ الدىن الۋ جۇمىستارىنىڭ ءمان-جايىن ءتۇسىندىردى.
سونىمەن قاتار، ەكپە ارقىلى تۇرعىندار مەن بالالاردى پوليوميەليت، ديفتەريا، سىرەسپە، گەپاتيت، قىزىلشا سياقتى سان ءتۇرلى يفەكتسيالاردان قورعاۋ قاجەت ەكەندىگىن ايتتى.
