ميللياردەر كريپتوۆاليۋتا بولاشاعى تۋرالى: بيتكوين التىندى الماستىرادى
ەسكە سالا كەتەيىك، امەريكالىق ەگىزدەر تايلەر مەن كەمەرون ۋينكلۆوسستار الەمدەگى تۇڭعىش بيتكويندىق ميللياردەر اتانعاندىعى تۋرالى ءبىز بۇعان دەيىن حابارلاعان بولاتىنبىز.
Bloomberg-گە بەرگەن سۇحباتىندا بيتكويندى ميللياردەر ۋينكلۆوسس مۇنداي ەسەپتى، ءوز ويىنشا قازىرگى قۇنى 6 تريلليون دوللاردى قۇرايتىن نارىقتاعى التىن باعاسىنا نەگىزدەپ جاساعاندىعىن ايتتى.
ونىڭ پىكىرىنشە، بولاشاقتا بيتكوين التىندى الماستىرىپ، اعاسى تايلەر ەكەۋى كريپتوۆوليۋتالىق وپەراتسيالاردى جالعاستىرا بەرمەك. سونىمەن قاتار ول، ءوزىنىڭ بايلىعى، قولىندا قانشا بيتكوين بار ەكەنى تۋرالى ناقتى مالىمەت بەرۋدەن باس تارتتى.
اعايىندى ەگىزدەر - تايلەر جانە كەمەرون ۋينكلۆوسستار وزدەرىنىڭ HarvardConnection اتتى الەۋمەتتىك جەلى جوبالارىن 2003-جىلى گارۆارد ۋنيۆەرسيتەتىنىڭ ستۋدەنتتەرى بولىپ جۇرگەندە باستاعان. كەيىن ولار بۇل جوباعا مارك تسۋكەربەرگتى جالداعان. ەكى ايدىڭ ىشىندە تسۋكەربەرگ جۇمىس بەرۋشىلەرىمەن ەمەس، ەدۋاردو ساۆەرينمەن بىرلەسىپ ءوزىنىڭ جەكە الەۋمەتتىك جەلىسىن دۇنيەگە اكەلگەن بولاتىن.
