استانا ەل دامۋىنىڭ تىرەگىنە اينالدى - اسەت يسەكەشەۆ
«سىزدەردى 10- جەلتوقسان - ەلوردانىڭ الماتىدان استاناعا كوشىرىلگەن كۇنىمەن شىن جۇرەكتەن قۇتتىقتايمىن! وسىدان جيىرما جىل بۇرىن، ءدال وسى كۇنى ەگەمەن ەلىمىزدىڭ تاريحىندا، ەلباسىنىڭ تاعى ءبىر ستراتەگيالىق ماڭىزى زور يدەياسى جۇزەگە استى. حالقىمىز ەل بولعالى ءوز استاناسىن ءوزى تاڭداپ، ساياسي-اكىمشىلىك، مادەني-رۋحاني ورتالىعىن بەلگىلەدى. مەملەكەت تاريحىنداعى ۇلى كوش ەلدىڭ دە، ەلباسىنىڭ دا ءۇمىتىن اقتادى دەپ ەسەپتەيمىن. بۇگىندە استانا وزگە وڭىرلەر بوي تۇزەيتىن قالا عانا ەمەس، ەل دامۋىنىڭ تىرەگىنە اينالدى. ەل وركەندەۋىنىڭ جاڭا پاراعىن اشقان وسى كۇن جىلى ەستەلىكتەرگە تولى تاريحي كۇنگە اينالدى. استانامىز وركەندەي بەرسىن، ەلدىگىمىز ماڭگى بولسىن! دەندەرىڭىزگە ساۋلىق، وتباسىلارىڭىزعا بەرەكە تىلەيمىن!»، - دەيدى اسەت يسەكەشەۆ قۇتتىقتاۋىندا.
اسەت ورەنتاي ۇلىنىڭ قۇتتىقتاۋى استانا قالاسىنىڭ رەسمي سايتىندا جاريالاندى.
