استانادا ءومىر ءسۇرۋ ساپاسىن جاقسارتۋعا مۇمكىندىك بەرەتىن جوبالار تالقىلاندى
مالىمەتتەردى قاشىقتىقتان سىمسىز جەتكىزۋدىڭ وزەكتى ماسەلەلەرىن تالقىعا سالعان جيىننىڭ ماقساتى - «زاتتار عالامتورى» بويىنشا باستامالاردى ىسكە اسىرۋدا قاجەتتى كوممۋنيكاتسيالىق ورتانى قامتاماسىز ەتۋ.
«زاتتار عالامتارى» كوپتەگەن سەنسورلاردىڭ ءبىر-بىرىمەن تىلدەسىپ، قاجەتسىز جانە قوسىمشا كوماندالار مەن وپەراتسيالارسىز كوممۋنيكاتسيالار جىبەرۋى.
بۇگىندە استانا «زاتتار عالامتورىن» بەلسەندى ەنگىزە باستادى، ءارى ءبىزدىڭ الدىمىزدا قۇرىلعىلاردىڭ ءبىر-بىرىمەن كوممۋنيكاتسيالاۋىنا جاردەمدەسەتىن مالىمەتتەردى جەتكىزىزۋ جەلىلەرى تۋرالى ماڭىزدى ماسەلە تۇر»، - دەدى مەديا ورتالىقتىڭ تىلشىسىنە بەرگەن سۇحباتىندا «Astana Innovations» ا ق سمارت تەحنولوگيالار سالاسىنداعى قۇزىرەت ورتالىعىنىڭ ديرەكتورى اسەل بايتاسوۆا.
كونفەرنسيانىڭ ءبىرىنشى پانەلدىك سەسسياسىندا استانا، الماتى، اقتوبە اكىمدىكتەرىنىڭ وكىلدەرى ت ك ش، كولىك، دەنساۋلىق ساقتاۋ جانە قاۋىپسىزدىك سالالارىنداعى زاتتار عالامتورى شەشىمدەرىنىڭ العاشقى ناتيجەلەرىنە توقتالدى. سونداي-اق اتالعان سالاداعى جوبالاردى جەتىلدىرۋ جوسپارىمەن ءبولىستى.
ەكىنشى جانە ءۇشىنشى بولىمدەردە كوممۋنيكاتسيالىق كومپانيالار ەلىمىزدىڭ ۇلتتىق كومپانيالارىمەن بىرلەسىپ قولجەتىمدى LPWAN تەحنولوگيالارعا شولۋ جاسادى. بۇعان قوسا ونەركاسىپ نىساندارى مەن عيماراتتارىن اۆتوماتتاندىرۋعا بايلانىتى مىندەتتەردى شەشۋ ءۇشىن LoRaWAN جانە NBIoT سىندى شەشىمدەردى ەنگىزۋ تاجىريبەسىنىڭ العاشقى جەتىستىكتەرى ورتاعا سالىندى.
«ءبىز الدىن-الا ساراپتاما جاساپ، تەحنولوگيالاردى تاڭدادىق. بۇگىندە ونىڭ ەكەۋى استانا، قاراعاندى جانە اقتوبە قالالارى مەن «ق ت ج»، «قاز مۇناي گاز» ا ق سىندى يندۋستريالدى سەكتور وكىلدەرىمەن تالقىلاندى»، - دەدى ءا. بايتاسوۆا.
ونىڭ ايتۋىنشا LPWAN جانە LoRaWAN تەحنولوگيالارى ەلىمىزدىڭ بارلىق قالالارىندا ەنگىزىلىپ جاتىر. اسىرەسە جاڭاشىلدىقتى ەنگىزۋدە «قازاقستان تەمىر جولى» كوش باستاپ تۇر. سونىمەن بىرگە سىمسىز مالەمەت تاراتۋ جەلىسىنە «قازاق تەلەكوم» ا ق مەن Kcell ، Beeline ، Tele 2 بايلانىس وپەراتورلارى قىزىعۋشىلىق تانىتىپ وتىر.
«اتالعان جوبالار ءبىرىنشى كەزەكتە جولاۋشىنىڭ جول ءجۇرۋ ۋاقىتىن قىسقارتۋ، ءولىم-ءجىتىمدى ازايتۋعا، تۇپتەپ كەلگەندە ەلوردا تۇرعىندارىنىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى»، - دەدى بايتاسوۆا.
«ايتا كەتەيىك، «زاتتار عالامتورى» جوباسىن ەنگىزۋمەن «Astana Innovations» ا ق جانىنان قۇرىلعان سمارت تەحنولوگيالار سالاسىنداعى قۇزىرەت ورتالىعى اينالىسادى.
